Qarabağ erməniləri Vardanyanı girov götürə bilər
Tarix: 24-01-2023 18:30 | Bölmə: Slayd
Qarabağ erməniləri Vardanyanı girov götürə bilər
R. Vardanyan

“Qarabağ erməniləri gözləyirdi ki, rusiyalı ofşor biznesmen Ruben Vardanyan onların vəziyyətini yaxşılaşdıracaq. Amma zaman göstərdi ki, belə gözlənti əsassızdır. Çünki Vardanyan yerli ermənilərin problemlərinin həlli ilə yox, həyatda yaxşı gördüyü işlərlə - intriqalarla və özünü reklam etməklə məşğuldur”.

Bunu Reyting.az-a Milli Məclisin deputatı Rasim Musabəyov Rusiyadan “xüsusi missiya” ilə Azərbaycanın Xankəndi şəhərinə göndərilmiş milyarder Ruben Vardanyanın fəaliyyətindən danışarkən deyib.

R. Musabəyov bildirib ki, R. Vardanyan çoxmilyonluq sərvəti və nüfuzlu xarici diaspora ilə əlaqələri sayəsində Rusiyanın “Dojd”, RTV, eləcə də “France-24” telekanalına verdiyi geniş müsahibələrdən sonra BBC-nin məşhur “Hard Talk” verilişində iştirak edib.


R. Musabəyov

Musabəyov əlavə edib ki, Vardanyan BBC aparıcısının kəskin sualları qarşısında aciz qalıb: “Amma problem bunda deyil. Vardanyan bir uğursuz müsahibənin əvəzinə asanlıqla bir-iki daha uğurlu müsahibə təşkil edir. Məsələ ondadır ki, Vardanyan və onun rus kuratorlarının təşəbbüsü ilə başlanmış bütün “Qarabağ layihəsi” İrəvanda hakimiyyət zirvələrinə basqın üçün tramplin və müqəddimə kimi iflasa uğrayıb. Və bu, ciddi məsələdir. Vardanyan “Qarabağ işi”ni minimal itkilərlə “bağlamaq” barədə fikirlərə görə Xankəndidə həddən artıq narahat olmalıdır”.

Deputat diqqətə çatdırıb ki, R. Vardanyana məsləhət vermək onun işi deyil: “Amma mən ona yuxusuzluğun dərmanı olaraq ənənəvi viski əvəzinə Con Apdaykın “Dovşan qaçışı” adlı gözəl kitabını tövsiyə edirəm. O, “Dovşan qaçışı”nda çoxlu faydalı və ibrətamiz şeylər kəşf edə bilər”.

Musabəyov sonda qeyd edib ki, qəzəbli Qarabağ erməniləri Vardanyanı girov götürüb aldadılmaqlarının əvəzi olaraq yüz milyonluq fidyə tələb edə bilərlər.

E. KAMAL
Reyting.az





Bölməyə aid digər xəbərlər
{sape_links}{sape_article}