16:00 / 22-02-2024
Millimiz yenə uduzub
Putinin üzə çıxan məxfi portfeli: Rusiya lideri bununla dünyaya nüvə müharibəsi mesajı verir - Foto
Tarix: 03-02-2023 20:55 | Bölmə: Slayd
Putinin üzə çıxan məxfi portfeli: Rusiya lideri bununla dünyaya nüvə müharibəsi mesajı verir

Qərb və Avropa ölkələrinin verdiyi tank və raketlərin köməyi ilə Ukrayna Rusiyaya qarşı müharibədə müəyyən üstünlüklər qazansa da, Rusiya prezidenti Vladinir Putinin daima yanında gəzdirdiyi sirli portfelin fotolarının paylaşılması dünyada narahatlıqları artırıb.

Reyting.az
xəbər verir ki, Britaniyanın “Mirror” qəzetinin “Qərbə soyuq təhdid” kimi təqdim etdiyi xəbərdə Rusiya liderinin rəsmi səfəri zamanı portfelini özü ilə gətirdiyini və bunun nüvə hücumu həyata keçirməyə imkan verdiyini iddia edib.

Sözügedən kadrlarda Putin abidəyə əklil qoyarkən onun cangüdənlərinin əlində nüvə portfeli gəzdirdiyi görünür.

Putinin yanında saxladığı portfel və daşıdığı sistem ən son texnologiya ilə hazırlanıb. O, Qorbaçov və Yeltsin dövründə “Bond” tipli çantaya bənzəsə də, Putin dönəmində daha yığcamdır və adı “Çeget”ə dəyişdirilib.

“Çeget” əslində, Qafqazın Çərkəz bölgəsində yüksək dağın adıdır.



Rusiya dövlət kanalına danışan hərbi ekspertin sözlərinə görə, əvvəllər yaradılmış döyüş kodları çanta vasitəsilə fləş yaddaşla komanda mərkəzinə ötürülür.

Xatırladaq ki, bu yaxınlarda Putin təcili olaraq ilin sonuna qədər hipersəsli “Satan-2” nüvə raketinin ikinci sınağını keçirməyi əmr etmişdi. Bu sınaqlardan sonra ABŞ öz donanmasına aid yeni hazırlanmış döyüş gəmilərinin nüvə silahı potensialının artırılmasını tənzimləyib.

Dünyanın o biri tərəfindəki hədəfləri vura bilən Rusiyanın ölümcül silahı olan “RS-28 Sarmat” raketi İngiltərənin paytaxtı Londona da çata biləcək mənzilə malikdir.

“Satan-2”nin İkinci Dünya Müharibəsi zamanı ABŞ-ın Yaponiyanın Xirosima və Naqasaki şəhərlərinə atdığı atom bombalarından 2000 dəfə güclü olduğu bildirilir.

Yəni Rusiyanın çəkindirici güc çərçivəsində sözügedən raketlə Avropanın bütün paytaxtlarını vurmaq gücü var. ABŞ mətbuatı isə iddia edir ki, bu silalar Amerikaya da çatar.

E. KAMAL
Reyting.az




Bölməyə aid digər xəbərlər
{sape_links}{sape_article}