23:11 / 18-03-2024
Ukrayna ordusu geri çəkilir
20:16 / 18-03-2024
Borrell ikibaşlı danışır
Putin İrəvana gələ bilməyəcək - Həbs təhlükəsinə görə
Tarix: 24-03-2023 16:41 | Bölmə: Slayd
Putin İrəvana gələ bilməyəcək - Həbs təhlükəsinə görə

"Paşinyan hökuməti hələ dekabrda Haaqa Beynəlxalq Məhkəməsinin təməl sənədinin Ermənistan qanunvericiliyinə uyğun olub-olmadığını öyrənmək üçün Konstitusiya Məhkəməsinə sorğu göndəribmiş. Bu, Putinlə məzələnməkdir, çünki Paşinyanın hələ 3 ay əvvəl nə isə bilib Putinə deməməsi anlamına gəlir".

Reyting.az
xəbər verir ki, bunu REAL Partiyasının sədri İlqar Məmmədov deyib.

İ. Məmmədov əlavə edib ki, bugün Konstitusiya Məhkəməsi uyğunluğu təsdiqləyib və indi Ermənistan parlamenti o sənədi təsdiqləsə, Putin İrəvana da gələ bilməyəcək.

İ. Məmmədov qeyd edib ki, sonuncu dəfə belə sorğu 2004-cü ildə göndərilsə də, cavab o vaxtkı Konstitusiyaya görə mənfi olub: “İndi Putin Paşinyandan soruşa bilər: "Xeyir ola, 20 il gözləyib, Haaqa bizə qarşı ittiham irəli sürəndən 3 ay əvvəl yenidən belə bir sorğu göndərmisən?".

Xatırladaq ki, Haaqa Beynəlxalq Cinayət Məhkəməsi 17 mart 2023-cü ildə Rusiya prezidenti Vladimir Putinin, həmçinin uşaq hüquqları üzrə komissar Mariya Lvova-Belovanın həbsi üçün beynəlxalq orderlər verib. Beynəlxalq Cinayət Məhkəməsi onları ukraynalı uşaqları qanunsuz deportasiya etməkdə şübhəli bilir.

Beynəlxalq Cinayət Məhkəməsinin bu qərarından sonra Rusiya prezidentinin ölkə xaricinə səfərləri çətinləşib. Hətta bəzi ölkələrə səfərlər zamanı onu həbs təhlükəsi gözləyir. Yəni Putin, Roma Əsasnaməsini ratifikasiya etmiş 123 ölkəyə, eləcə də məhkəmənin yurisdiksiyasını tanıyan digər ölkələrə səfər edəcəyi təqdirdə həbsi qaçılmaz olacaq.

Y. QACAR
Reyting.az




Bölməyə aid digər xəbərlər
{sape_links}{sape_article}