İki milyondan çox insanın ölümünə və 4,3 trilyon dollar maddi ziyana səbəb nədir?
Tarix: 22-05-2023 18:13 | Bölmə: Slayd
İki milyondan çox insanın ölümünə və 4,3 trilyon dollar maddi ziyana səbəb nədir?

Ümumdünya Meteorologiya Təşkilatı (ÜMT) 1970-2021-ci illər arasında ekstremal hava, iqlim və su ilə əlaqədar fəlakətlər səbəbindən 2 milyondan çox insanın həyatını itirdiyini və 4,3 trilyon dollarlıq iqtisadi itki yarandığını bildirib.

Reyting.az
-ın xəbərinə görə, Ümumdünya Ticarət Təşkilatı 2027-ci ilin sonuna kimi erkən xəbərdarlıq xidmətlərinin bütün dünyada hər kəsə əlçatan olmasını təmin etmək üçün mayın 22-də başlayan Ümumdünya Meteorologiya Konqresi üçün yeni hesabatını açıqlayıb. Hesabata görə, 1970-2021-ci illər arasında 11778 təbii fəlakət baş verib.

Təbii fəlakətlər səbəbindən iqtisadi itkilər artsa da, qabaqcıl erkən xəbərdarlıq sistemləri və koordinasiyalı fəlakət idarəetməsi son 50 ildə insan itkisini azaldıb.

Dünyada ölüm hallarının 90 faizi inkişaf etməkdə olan ölkələrdə baş verib. Yalnız ABŞ son 51 ildə 1,7 trilyon dollar itki verib ki, bu da dünya üzrə iqtisadi itkilərin 39 faizini təşkil edir.

Az inkişaf etmiş və inkişaf etməkdə olan kiçik ada ölkələri ekstremal təbii hadisələr səbəbindən qeyri-mütənasib xərclərə məruz qalırlar. 2020 və 2021-ci illərdə ekstremal təbii hadisələr nəticəsində ümumilikdə 22 608 ölüm qeydə alınıb.

Hesabatda bildirilir ki, iqtisadi itkiləri artıran təbiət hadisələrinin bir çoxu “fırtına” kateqoriyasına aiddir.

“Ən həssas icmalar təəssüf ki, hava, iqlim və su ilə bağlı təhlükələrin ən ağır yükünü daşıyırlar”, - ÜMT-nin Baş katibi Petteri Taalas hesabatda bildirib.

Myanma və Banqladeşə təsir edən son Moça qasırğasının buna nümunə olduğunu deyən Taalas qasırğanın bu iki ölkədə böyük dağıntılara səbəb olduğunu və ən çox yoxsullara təsir göstərdiyini diqqətə çatdırıb.

Keçmişdə həm Myanmada, həm də Banqladeşdə baş verən ekstremal təbii hadisələr nəticəsində yüz minlərlə insanın həyatını itirdiyini xatırladan Taalas əlavə edib: “Xoşbəxtlikdən, erkən xəbərdarlıqlar və fəlakətlərin idarə edilməsi sayəsində bu fəlakətli ölüm nisbətləri artıq keçmişdə qalıb. Erkən xəbərdarlıq insanların həyatını xilas edir”.

Y. QACAR
Reyting.az




Bölməyə aid digər xəbərlər
{sape_links}{sape_article}