15:17 / 28-05-2024
KTN-də yeni təyinat olub
Kreml Ərdoğandan kömək gözləyir
Tarix: 25-05-2023 13:32 | Bölmə: Slayd
Kreml Ərdoğandan kömək gözləyir

Prezident seçkilərinin ikinci turuna sayılı günlər qalmış Türkiyə yenidən beynəlxalq ictimaiyyətin müzakirə predmetinə çevrilib.

Reyting.az
xəbər verir ki, bu dəfə Fransanın AFR agentliyi Türkiyədə seçkilərin ikinci turu və Kremlin Ərdoğana ehtiyacı haqqında analitik məqalə yazıb.

Məqalədə xatırlanır ki, hazırda Ukrayna, Suriya müharibələri, NATO və Rusiya arasında gərgin rəqabət gedir.

Ekspertlərin fikrincə, Kreml ümid edir ki, bu bazar, uzun müddət ölkəni idarə edən Ərdoğan seçkidə qalib gələcək.

Seçkidən qalib çıxacağı ehtimal edilən Ərdoğanın Rusiya-Ukrayna müharibəsi, Suriya müharibəsi, Kreml-NATO mübarizəsi kimi bir çox məsələlərdə söz sahibi ola biləcəyinə diqqət çəkilir. Ərdoğanın Rusiya üçün tanış siyasi fiqur olduğu, onun rəqibi Kılıçdaroğlunun isə Moskvanı seçkilərə müdaxilədə ittiham etdiyi xatırlanır.

“Birinci turun nəticələrindən sonra Rusiya rahat nəfəs aldı”, - cümləsinin yer aldığı şərhdə Ərdoğan və Putinin Yaxın Şərq və Qafqazda bir çox sahədə üz-üzə gəldiyi, buna baxmayaraq, onların birlikdə çalışdığı və bir-birini etibarlı tərəfdaş kimi gördüyü vurğulanıb.

Agentliyə danışan və Kremlə yaxınlığı ilə tanınan xarici əlaqələr üzrə ekspert Fyodor Lukyanov deyib ki, Putin ilə Ərdoğanın maraqlarında çoxlu ziddiyyətlər olsa da, iki lider arasındakı şəxsi və uzunmüddətli əlaqələr çox faydalıdır. Onlar bir çox müxtəlif sahələrdə tərəqqi yolu tapırlar.

Nəşrə danışan və adının çəkilməsini istəməyən qərbli diplomat isə bildirib ki, iki ad arasında münasibətlər praqmatikdir. “Onlar münasibətləri bölməkdə çox yaxşıdırlar. Onlar fikir ayrılıqlarını bir kənara qoyub öz mənfəətləri üçün birlikdə işləyə bilərlər. Ərdoğanla Putin arasında heç bir mübahisə yoxdur, bu, sırf tranzaksiya xarakteri daşıyır”.

Türkiyənin bir ildən artıqdır davam edən Rusiya-Ukrayna müharibəsində vasitəçi rolunu öz üzərinə götürdüyü vurğulanır, eyni zamanda Ankaranın Qərbin sanksiyalarında iştirak etmədiyi xatırlanır. Bu prosesdə Türkiyənin Rusiya üçün alternativ olduğu xüsusilə qeyd edilir.

Y. QACAR
Reyting.az




Bölməyə aid digər xəbərlər
21-05-2024, 11:26 Rəisinin varisi kimdir?

{sape_links}{sape_article}