17:58 / 22-05-2024
"Şamaxı" çempion olub
Milyarderin gizli sevgilisinin rus kəşfiyyatı ilə əlaqəsi üzə çıxıb - Fotolar
Tarix: 27-05-2023 14:16 | Bölmə: Slayd
Milyarderin gizli sevgilisinin rus kəşfiyyatı ilə əlaqəsi üzə çıxıb

Dünyanın ən zəngin adamlarından biri olan “Microsoft”un qurucusu Bill Qeytsin gizli sevgilisi kimi təqdim edilən rusiyalı Mila Antonovanın yeni fotosu müzakirələrə səbəb olub.

Reyting.az
xəbər verir ki, cinsi zorakılıq, fahişəlik və insan alveri ittihamı ilə saxlandığı ABŞ həbsxanasında intihar etmiş iş adamı Ceffri Epsteinin Bill Qeytsi “Rus qadınla münasibətini açıqlayacağam”,- deyə hədələdiyi gizli yazışmalar da ortaya çıxıb.

2017-ci ildə C. Epstein tərəfindən göndərilən elektron məktubda B. Qeyts təxminən 30 yaşlı M. Antonova ilə münasibətlərinin açıqlana biləcəyi ilə hədələnib.



Qeyd edək ki, 27 illik həyat yoldaşı Melinda Qeytsdən 2021-ci ildə boşanan Bill Qeytsin sözçüsü təhdid xəbərini təsdiqləmişdi. Geytsin evlilik müddətində sevgili olduğu bildirilən Antonovanın yeni fotosu isə bu müzakirələri daha da qızışdırıb. Fotoda Antonova dünyada “Qırmızı agent” kimi tanınan Anna Çapmanla birlikdə görünüb.

Xatırladaq ki, 2010-cu ildə ABŞ-da üzə çıxan Rusiya casus şəbəkəsinin üzvlərindən olan “Qırmızı agent” ləqəbli Çapman gözəlliyi ilə böyük nüfuz qazanıb və dünya mətbuatında seksual pozaları ilə gündəmə gəlib.

“Daily Mail” nəşri yazır ki, M. Antonova və A. Çapmanın Nyu-York şəhərinin küçələrində birlikdə gülümsədiklərini əks etdirən bu foto B. Qeytsin eşq macərası ilə bağlı suallar yaradıb. Bildirilir ki, foto Antonovanın Rusiya kəşfiyyatı ilə əlaqəsi olduğuna dair şübhələr yaradır.



Onu da diqqətə çatdırırıq ki, “Wall Street Journal” insan alveri, fahişəlik və cinsi istismar kimi cinayətlərdə ittiham olunan Epsteinin məxfi yazışmalarını dərc etmişdi. Həmin yazışmada Epstein “Microsoft”un həmtəsisçisi, dünyanın ən zəngin adamlarından biri kimi tanınan B. Qeytsi hədələyir. Yazışmalarda o vaxt evli olan Qeytsin rusiyalı xanımla münasibətdə olduğu bildirilirdi. Həmin vaxt məlum olmuşdu ki, B. Qeyts 2010-cu ildə Antonova ilə tanış olub. Antonova daha sonra San- ransiskoya köçüb və proqram mühəndisi kimi işləməyə başlayıb.

E. KAMAL




Bölməyə aid digər xəbərlər
21-05-2024, 11:26 Rəisinin varisi kimdir?

{sape_links}{sape_article}