Saakaşvili: “Rusiya dağılacaq, proses Şimalı Qafqazdan başlayacaq”
Tarix: 29-05-2023 16:19 | Bölmə: Slayd
Saakaşvili: “Rusiya dağılacaq, proses Şimalı Qafqazdan başlayacaq”

Gürcüstanın həbsdə olan sabiq prezidenti Mixail Saakaşvili müxalif “Formula” telekanalının “Droeba” proqramına yazılı müsahibəsində Rusiyanın dağılacağı proqnozunu verib.

Reyting.az
diqqətə çatdırır ki, Saakaşvilinin fikrincə, Rusiyanın parçalanması Şimalı Qafqazdan başlayacaq.

“Ukrayna, şübhəsiz ki, cəbhədə dönüşə nail olacaq. Qərb Putin rejiminə son qoymaq qərarına gəlib, Rusiya sadə amillərə parçalanmağa başlayacaq – dağılma prosesi Şimali Qafqazdan başlayacaq. İndi Rusiyanın qara pulları və ya siyasi məqsədləri ilə gözlərini yummuş, Putin Rusiyasına mərc edən hər kəs çox ciddi yanılır və sonda tam məğlubiyyətə düçar olacaqlar”, - Saakaşvili əlavə edib.

Sabiq prezident qeyd edib ki, Rusiyanın dağılması Gürcüstana Abxaziyanı qaytarmaq şansı verəcək. Digər tərəfdən, Şimali Qafqazda baş verən proseslər “lekianoba” təhlükəsinə gətirib çıxara bilər - keçmiş əsrlərdə dağlıların basqınları deyilən hadisə.

Saakaşvili daha sonra bildirib: “Xilas Avropa Birliyi və Ukraynadadır”.

Keçmiş prezidentin fikrincə, gələcəkdə Gürcüstan “Soçi bölgəsində hardasa” Ukrayna ilə ümumi sərhədə hazırlaşmalıdır.

E. KAMAL




Bölməyə aid digər xəbərlər
{sape_links}{sape_article}