16:46 / 19-04-2024
İlham Əliyev Rusiyaya gedir
Baydenin səhhəti ilə bağlı hesabat açıqlanıb
Tarix: 29-02-2024 12:20 | Bölmə: Xəbərlər
Baydenin səhhəti ilə bağlı hesabat açıqlanıb

Ağ ev ABŞ prezidenti Co Baydenin hazırkı sağlamlıq vəziyyəti ilə bağlı hesabat paylaşıb. Hesabatda bildirilir ki, C. Baydenin öz vəzifəsini yerinə yetirməsinə heç bir maneə yoxdur.

Reyting.az
-ın xəbərinə görə, Ağ evin sözçüsü Karine Jean-Pierre tərəfindən verilən yazılı açıqlamada Baydenin həkimi tərəfindən təsdiqlənən və vəziyyətinin yaxşı olduğu ifadə edilən hesabatın məzmunu yer alıb.

Həkim Kevin Konnorun Co Baydenin illik müayinəsi ilə bağlı hazırladığı hesabatda qeyd olunur ki, ABŞ-ın 81 yaşlı prezidentinin səhhətində “yeni narahatlıq” yoxdur.

“Prezident özünü yaxşı hiss edir və builki fiziki müayinə zamanı heç bir yeni narahatlıq aşkarlanmayıb. O, heç bir istisna və ya yerləşdirmə olmadan bütün vəzifələrini tam yerinə yetirir”, - Baydenin həkimi Konnorun hesabatında deyilir.

Hesabata görə, prezident Bayden 81 yaşlı, sağlam, aktiv, güclü insandır. O, baş icraçı direktor, dövlət başçısı və ali baş komandan da daxil olmaqla, prezidentlik vəzifələrini uğurla yerinə yetirmək üçün yaxşı formadadır.

Baydenin ürək ritmindən xolesterin dəyərlərinə qədər hər cür ətraflı məlumatın yer aldığı hesabatda ABŞ prezidentinin yuxu apnesinin sabit qaldığı bildirilir.

Qeyd edək ki, C. Baydenin səhhəti ilə bağlı məlumatlar noyabrda keçiriləcək prezident seçkilərindən əvvəl verilib. Hazırda onun səhhəti və yaşı ilə bağlı müzakirələr davam edir.

Onu da əlavə edirik ki, fevralın 9-10-da ABC News/Ipsos tərəfindən keçirilən sorğuda iştirakçıların 86 faizi 81 yaşlı Baydeni ikinci müddətə prezident olmaq üçün “çox yaşlı” hesab etdiklərini bildiriblər.

E. KAMAL




Bölməyə aid digər xəbərlər
{sape_links}{sape_article}