Putin Rusiyaya bir milyon hindistanlı gətirəcək
Tarix: 09-07-2025 18:39 | Bölmə: Xəbərlər
Putin Rusiyaya bir milyon hindistanlı gətirəcək

Rusiya Ukraynadakı müharibə nəticəsində boş qalan sənaye mövqelərini doldurmaq üçün Hindistandan bir milyon işçi gətirməyi planlaşdırır.

Reyting.az
xəbər verir ki, Rusiya indi işçi çatışmazlığını aradan qaldırmaq üçün Şri-Lanka və Şimali Koreya ilə oxşar sazişlər bağlayır.

Məlumata görə, ilin sonuna qədər Hindistandan Rusiyaya bir milyona yaxın işçinin gətirilməsi planlaşdırılır. Ural Ticarət və Sənaye Palatasının prezidenti Andrey Besedin deyib ki, bu işçilər arasında “yüksək ixtisaslı mütəxəssislər” də olacaq.

Hindistandakı təmaslarına istinad edən Besedin əlavə edib ki, Yekaterinburqda Hindistanın yeni baş konsulluğunun açılacaq və bu struktur immiqrasiya ilə məşğul olacaq.

O, həmçinin Hindistandan başqa Şri-Lanka və Şimali Koreya ilə də oxşar əmək müqavilələrinin müzakirə edildiyini bildirib.

Besedin bu təşəbbüslə Sverdlovsk vilayətinin metallurgiya və maşınqayırma müəssisələrindəki kadr çatışmazlığını aradan qaldıracaqlarına ümid edir.

Sənaye Palatasının rəhbəri etiraf edib ki, Rusiya işçilərinin böyük hissəsi Ukrayna ilə davam edən müharibədədir. Eyni zamanda gənclər artıq fabriklərdə işləmək istəmirlər.

Bununla belə, Besedin Hindistandan gələcək işçilərin Rusiyaya uyğunlaşa bilməyəcəyini də qeyd edib: “Daha əvvəl Rusiyaya gələn işçilər keçmiş Sovet bloku ölkələrindən idilər və rusca danışırdılar. Amma Şri-Lanka və Hindistandan olan işçilər dilimizi bilmirlər”.

V. QULİYEV




Bölməyə aid digər xəbərlər