18:20 / 25-07-2025
Oleq Bakinskiyə hökm oxunub
Məşhur döyüşçü və aktyor vəfat edib - Foto
Tarix: 25-07-2025 08:58 | Bölmə: Xəbərlər
Məşhur döyüşçü və aktyor vəfat edib

Əsl adı Terri Bollea olan, lakin milyonlarla tamaşaçının "Mister Amerika", "Dağıdıcı" kimi tanıdığı 71 yaşlı məşhur döyüşçü və restler, həmçinin Hollivudun kino aktyoru Halk Hoqan dünyasını dəyişib.

Reyting.az
xəbər verir ki, bu barədə TMZ məlumat yayıb.

Formalaşmış ümumi fikrə görə, Hoqan rəqibsiz, həmçinin dünyanın ən məşhur restleri olub. Məlum olduğu kimi, məhz Hoqanın nüfuzu sayəsində 1980–1990-cı illərdə restler tək ABŞ-da yox, bütün dünyada cəlbedici bir sahəyə çevrilib. Rinqə çıxıb amansız döyüş nümayiş etdirmək, həm də restleri daha da maraqlı etmək məqsədilə həmin döyüşə aktyor oyunu qatmaq və savaşa səbəb kimi peşəkarcasına "düşmənçilik" süjeti uydurmaq ilk dəfə Hoqanın ideyası olub. Kommersiya baxımından Amerika restlerinin ölkədə, eyni zamanda xaricdə populyarlaşmasında onun böyük əməyi var.



Hoqan aktyor kimi də tanınıb, bir neçə filmdə rol alıb. Onun iştirakı ilə lentə alınmış məşhur ekran əsərləri arasında "Rokki-3", "Qremlins 2", "Güclü dayə", "Qaydasız", "Əzələli Santa Klaus", "Kənddən gəlmiş komando", "Malibudan olan xilasedicilər", həmçinin "Qətiyyətli Uoker: Texas ədaləti" sevilən filmlər, həm də seriallar var.

Oqtay QORÇU




Bölməyə aid digər xəbərlər