Ukrayna prezidenti Vladimir Zelenski fevralın 24-də prezident seçkiləri və referendum planlarını elan etmək niyyətindədir.

Reyting.az xəbər verir ki, bu barədə “Financial Times” qəzeti planlaşdırma prosesində iştirak edən Ukrayna və Avropa rəsmilərinə istinadla məlumat yayıb.

Qeyd edək ki, ötən həftə Amerika və Ukrayna danışıqlarından sonra nəzərdə tutulan sülh müqaviləsinin referenduma çıxarılacağı məlum idi. Bu da o deməkdir ki, ukraynalı seçicilər prezident seçkiləri ilə eyni vaxtda referendumda da səs verməli olacaqlar.

Rəsmilər həm seçkilərin, həm də referendumun may ayının əvvəlində keçirilə biləcəyi ehtimalını müzakirə ediblər.

Bildirilir ki, Ukrayna artıq Rusiya ilə perspektivli sülh müqaviləsi üzrə referendumla paralel olaraq prezident seçkiləri üçün planlaşdırmaya başlayıb.

E. KAMAL