Azərbaycanın hər bir regionunda 6 aylıq müqavilələr əsasında ictimai işlərə cəlb etmək yolu ilə 300-dək əlavə iş yeri açıla bilər.

Reyting.az-ın Trend-ə istinadən məlumatına görə, bunu jurnalistlərə əmək və əhalinin sosial müdafiəsi naziri Səlim Müslümov deyib.Onun sözlərinə görə, ilkin mərhələdə bunu 6 aylıq və 1 illik müqavilələr əsasında və dövlət büdcəsindən maliyyələşən müxtəlif dövlət müəssisələrində, eləcə də dövlətə məxsus iri şirkətlərdə vakant yerləri doldurmaqla etmək olar.
S.Müslümov qeyd edib ki, Əmək və Əhalinin Sosial Müdafiəsi Nazirliyində SOCAR və "Azəriqaz" İB-nin nümayəndələri ilə geniş müşavirədə ölkənin müxtəlif regionlarında əlavə iş yerlərinin sayını müəyyənləşdirə biləcəyik və onların açılmasına start verəcəyik. Nazir deyıb ki, belə müşavirələr digər dövlət strukturları ilə də keçiriləcək və vakant yerlər doldurulacaq.