Boradigahda internet problemi: sakinlər nazirə müraciət edib
Tarix: 07-06-2023 12:37 | Bölmə: Cəmiyyət
Boradigahda internet problemi: sakinlər nazirə müraciət edib
Rəşad Nəbiyev

Masallı rayonu Boradigah qəsəbəsinin bir qrup sakini Rəqəmsal inkişaf və nəqliyyat naziri Rəşad Nəbiyevə ölkənin ən böyük qəsəbələrindən olan bu yaşayış məntəqəsindəki internet problemilə bağlı müraciət ediblər.

Reyting.az
xəbər verir ki, müraciətdə deyilir:

“Hörmətli nazir, artıq xeyli müddətdir ki, Boradigah qəsəbəsinin internet təminatında ciddi problemlər yaşanır. Xətlərin köhnə olması səbəbindən tez-tez kəsilmələr baş verir ki, bu həm ciddi problemə, həm də haqlı narazılığa səbəb olur. Təkcə son günlər hava şəraitilə əlaqədar qəsəbədə yüzlərlə abonentin telefonu və interneti kəsilib”.

Sakinlərin müraciətində qeyd olunur ki, Boradigahda iki məktəb, bir xəstəxana fəaliyyət göstərir. İnternetdəki problemlər səbəbindən isə xeyli məktəbli onlayn hazırlıqdan qalır.

Bundan əlavə qəsəbənin yüzlərlə sakini işləri ilə əlaqəli ya qəsəbə, ya da ölkə xaricində yaşayır ki, internetdəki kəsilmələr onların da ailələri ilə əlaqə saxlamasına ciddi problemlər yaradır.

“Cənab nazir, bildiyimiz qədər keyfiyyətli internet imkanı verən GPON sistemi qəsəbəmizin yaxınlığınadək gətirilib. Sizdən xahiş edirik, qəsəbəmizdə də analoji sistemin tətbiqinin sürətləndirilməsilə bağlı göstəriş versiniz”.

Qeyd edək ki, müraciəti Əlövsət Hüseynov, Akif Cavadov, Ədalət Əhmədov, Məmməd Məmmədov, Vasif Məmmədov, Vaqif Şərifov, Böyükağa Zeynalov, Yasər Teymurov, Elçin Əhmədov başda olmaqla 40 nəfər imzalayıb.

ELÇİN




Bölməyə aid digər xəbərlər
21-06-2024, 12:37 Sabah yağış yağacaq
20-06-2024, 08:52 Bir gün 25 saat ola bilər

{sape_links}{sape_article}