18:09 / 11-04-2024
Bakıda qətl törədilib
Prokurorluq Regional Təhsil İdarəsindəki rüşvətxorluq və həbslə bağlı məlumat yayıb
Tarix: 22-01-2024 11:31 | Bölmə: Cəmiyyət
Prokurorluq Regional Təhsil İdarəsindəki rüşvətxorluq və həbslə bağlı məlumat yayıb

Baş Prokurorluq Quba-Xaçmaz Regional Təhsil İdarəsinin sabiq müdirinin həbsi barədə məlumat yayıb.

Reyting.az
Baş Prokurorluğun mətbuat xidmətinə istinadla xəbər verir ki, təhsil müəssisələrində korrupsiya hallarına qarşı mübarizə davam etdirilir. 2017-2022-ci illərdə Quba Rayon Təhsil şöbəsinin müdiri (hazırda ləğv olunub) və 27 noyabr 2023-cü il tarixinədək Elm və Təhsil Nazirliyinin Quba-Xaçmaz Regional Təhsil İdarəsinin müdiri vəzifəsində işləmiş Hacıyev Rüfət Malik oğlunun qanunsuz əməlləri barədə daxil olmuş məlumat əsasında Baş prokuror yanında Korrupsiyaya qarşı Mübarizə Baş İdarəsində cinayət işi başlanıb.


Rüfət Hacıyev

Rüfət Hacıyevin işlədiyi müddətdə əmək müqaviləsinin müddətinin uzadılması, məktəb direktoru vəzifəsinə təyin olunma, məktəblərdə müvafiq yoxlamaların keçirilməməsi, eləcə də xidmət üzrə ümumi himayədarlıq göstərilməsi kimi məqsədlərlə ayrı-ayrı şəxslərdən ümumilikdə 53 min manat pul vəsaitini təkrarən rüşvət qismində almasına əsaslı şübhələr müəyyən edilib.

İlkin sübutlar əsasında Rüfət Hacıyevə Cinayət Məcəlləsinin 311.3.2 və 311.3.3-cü (rüşvət alma təkrar və külli miqdarda törədildikdə) maddələri ilə ittiham elan edilmiş və barəsində məhkəmənin qərarı ilə həbs qətimkan tədbiri seçilib.

Hazırda cinayət işi üzrə ibtidai istintaq davam etdirilir.

Qeyd edək ki, bir neçə gün əvvəl Rüfət Hacıyevin saxlanması barədə məlumat yayılıb.




Bölməyə aid digər xəbərlər
11-04-2024, 18:09 Bakıda qətl törədilib
10-04-2024, 12:15 Sabah yağış yağacaq
6-04-2024, 12:39 Sabah yağış yağacaq
5-04-2024, 13:01 Sabah yağış yağacaq

{sape_links}{sape_article}