16:28 / 19-06-2019
Deputat özünü öldürdü
Antinarkoloji təbliğat – Lerikdə
Tarix: 08-06-2019 16:23 | Bölmə: Cəmiyyət
Antinarkoloji təbliğat – Lerikdə

“Azərbaycan Milli İnkişaf layihəsi” İctimai Birliyinin Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə həyata keçirdiyi “Narkotik vasitələrdən və psixotrop maddələrdən istifadə edən şəxslərin sağlam həyat tərzinə qaytarılması üçün təbliğat və maarifləndirmə işinin təşkili” layihəsi çərçivəsində təşkil etdiyi tədbirlərdən biri də Lerik rayonunda baş tutdu. Bu məqalədə biz 2013-cü ildən başlayaraq Lerik rayonunda narkotik vasitələrin qanunsuz dövriyyəsinə qarşı mübarizə üzrə həyata keçirilən tədbirlərdən bəhs edəcəyik. Daha doğrusu, mübarizə tədbirləri çərçivəsində ən çox işin görüldüyü 2017-ci ilə nəzər salmaq istəyirik.

Rayonun müvafiq komissiyasının rəhbərliyi ilə aidiyyəti orqanlar tərəfindən 2017-ci ildə Azərbaycan Respublikası Prezidentinin 24 iyun 2013-cü il tarixli 2966 nömrəli Sərəncamı ilə təsdiq edilmiş “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2013-2018-ci illər üçün Dövlət Proqramı”nın tələblərindən irəli gələn vəzifələrin həyata keçirilməsi istiqamətində kompleks təşkilati tədbirlər həyata keçirilib.

Rayon komissiyasının ötən illərdə tərtib edilmiş tədbirlər planlarında narkotik vasitələrin, psixotrop maddələrin və onların prekursorlarının qanunsuz dövriyyəsinin, belə vasitələrin qaçaqmalçılıq yolu ilə gətirilməsinin qarşısının alınması istiqamətində əməliyyat-axtarış tədbirlərinin gücləndirilməsi, narkomanlığın yayılmasının qarşısının alınması, narkomanlığın ilkin profilaktikası, antinarkotik təbliğat, narkotiklərin qanunsuz dövriyyəsinin və narkomanlığın yayılmasının maarifləndirmə yolu ilə qarşısının alınması, narkomanlığa düçar olmuş şəxslərin müalicə edilməklə sağlam həyata qaytarılması, müalicə-bərpa sahəsindəki fəaliyyətin müasir dövrün tələblərinə uyğunlaşdırılması, antinarkoloji təbliğat və maarifləndirmə istiqamətində rayon polis şöbəsi, rayon mərkəzi xəstəxanası, ərazi tibb müəssisələri, ərazilər üzrə yerli icra hakimiyyəti, özünüidarə orqanları rəhbərləri tərəfindən həyata keçirilən tədbirlərin səmərəliliyinin artırılması, gənclərin asudə vaxtının təşkili və məşğulluq problemlərinin həll olunması istiqamətində kompleks tədbirlər görülməsi və həyata keçirilən tədbirlər barədə ictimaiyyətin məlumatlandırılması təmin edilib.

Antinarkoloji təbliğat təşviqat tədbirlərinin səmərəliliyinin artırılmasını təmin etmək məqsədi ilə rayon komissiyasının (2527) 46021 nömrəli etimad telefonu təşkil edilib, bu barədə məlumatlar rayon icra hakimiyyətinin internet saytında yerləşdirilib və rayonun yaşayış məntəqələrində elanlar yerləşdirilməklə etimad telefonu ilə bağlı əhali mütəmadi qaydada məlumatlandırılıb.

Lerik Rayon İcra Hakimiyyəti Başçısı yanında Şuranın 09 iyun 2017-ci il tarixli iclasında Azərbaycan Respublikası Prezidentinin 24 iyun 2013-cü il tarixli 2966 nömrəli Sərəncamı ilə təsdiq edilmiş “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2013-2018-ci illər üçün Dövlət Proqramı”nın rayonda 2016-cı il və 2017-ci ilin hesabat dövrü ərzində icra vəziyyəti barədə” məsələ müzakirə olunub, rayon komissiyasının, rayon polis şöbəsinin və digər aidiyyəti orqan rəhbərlərinin mübarizə profilaktika tədbirləri barədə hesabatlarının dinlənilməsi təmin edilib, Şuranın iclas qərarından irəli gələn zəruri məsələlərin icrası ilə bağlı aidiyyəti təşkilatlara müvafiq tapşırıqlar verilib.

Rayon komissiyasının təkcə 2017-ci ildə 5 iclası keçirilib. İclaslarda aidiyyəti orqanların, rayon polis şöbəsinin narkomanlığa və narkotik vasitələrin qanunsuz dövriyyəsinə qarşı əməliyyat-axtarış, mübarizə profilaktika tədbirləri barədə, rayon mərkəzi xəstəxanasının narkomanlığa düçar olmuş şəxslərin qeydiyyata alınması, onlarla müvafiq profilaktiki və müalicəvi tədbirlərin həyata keçirilməsi ilə bağlı hesabatları dinlənilib, İş Planında nəzərdə tutulmuş tədbirlər, o cümlədən rayon polis şöbəsi və aidiyyəti orqanlar tərəfindən narkotik vasitələrin, psixotrop maddələrin, onların prekursorların qanunsuz dövriyyəsinə qarşı əməliyyat-axtarış tədbirləri, narkotik vasitələrin qaçaqmalçılıq yolu ilə gətirilməsinin qarşısının alınması, narkotik xassəli bitkilərin əkilib-becərilməsi, yabanı şəkildə yetişən bu növ bitkilərin “Xaşxaş-2017” kompaniyası çərçivəsində aşkar olunub məhv edilib.

Hesabat dövrü ərzində polis şöbəsi tərəfindən narkotik vasitələrin və psixotrop maddələrin və onların prekursorlarının qanunsuz dövriyyəsinə qarşı əməliyyat-axtarış, mübarizə tədbirləri davam etdirilib.

Lerik rayonunun İran İslam Respublikası ilə həmsərhəd olduğu nəzərə alınaraq ərazidə yerləşən komendatura və zastava hərbiçiləri ilə birgə əməliyyat tədbirləri və reydlər davam etdirilib, narkotik vasitələrin qaçaqmalçılıq yolu ilə gətirilməsi faktları aşkar edilməyib.

Rayon Poliş Şöbəsi əməkdaşlarının 21 iyun 2017-ci ildə keçirdikləri əməliyyat-axtarış tədbirləri nəticəsində rayonun Orand kəndinin Yaylaq ərazisində dövlət torpaqlarında 12 hektar sahədə ümumi çəkisi 4590 kq olan, 13801 ədəd yabanı şəkildə bitmiş narkotik tərkibli xaşxaş kolları, 23 iyun 2017-ci ildə keçirdikləri əməliyyat-axtarış tədbirləri nəticəsində rayonun Orand kəndinin dağlıq ərazisində dövlət torpaqlarında 8 hektar sahədə ümumi çəkisi 7580 kq olan, 16950 ədəd yabanı şəkildə bitmiş narkotik tərkibli xaşxaş kolları aşkar edilərək yığılmış və yandırma üsulu ilə məhv edilmişdir. Ümumilikdə “Xaşxaş - 2017” şərti adı altında kompaniya çərçivəsində rayonun dağlıq və sərhədyanı ərazilərində 32 hektar sahədən 3 fakt üzrə ümumi çəkisi 14632 kq olan, 40601 ədəd yabanı şəkildə bitmiş narkotik tərkibli xaşxaş kollarının aşkar edilərək yandırma üsulu ilə məhv edilməsi təmin olunub.

Narkomanlığın yayılmasının qarşısının alınması məqsədi ilə ictimaiyyətin iştirakı ilə davamlı kompleks qabaqlayıcı tədbirləri davam etdirilib. Antinarkoloji təbliğat-təşviqat tədbirlərinin səmərəliliyinin artırılmasını təmin etmək məqsədi ilə rayonun ictimaiyyət nümayəndələrinin, qadın və gənclər təşkilatlarının nümayəndələrinin təklifləri nəzərə alınmaqla rayon komissiyasının tövsiyələri hazırlanaraq kənd ərazi icra nümayəndəlikləri, yerli özünüidarəetmə orqanları, ərazi tibb, təhsil müəssisələrinin rəhbərlərinə göndərilməsi təmin edilib.

Rayon mərkəzi xəstəxanası tərəfindən narkomanlığa düçar olmuş şəxslərin qeydiyyata alınması, onlarla müvafiq profilaktik və müalicəvi tədbirlərin həyata keçirilməsi, narkomanlığın yayılmasının qarşısının alınması, narkomanlığın ilkin profilaktikası, antinarkoloji təbliğat və maarifləndirmə sahəsində fəaliyyətinin gücləndirilməsi istiqamətində kompleks tədbirlər həyata keçirilib. Rayon ərazisində qeydiyyatda olan 29 nəfər narkoloji xəstə, 9 xroniki alkoqolizmdən əziyyət çəkən şəxs və 26 profilaktiki qeydiyyatda olan şəxslərlə müvafiq kompleks müalicə-profilaktika işlərinin əhəmiyyətli dərəcədə yaxşılaşdırılması təmin edilib.

Rayonun təhsil müəssisələrində məktəblilər (tələbələr) arasında narkomanlığın və ağır yoluxucu xəstəliklərin (Hepatit C, QİÇS) yayılmasının qarşısının alınması istiqamətində 8 tam orta məktəbdə məşğələ proqramı icra edilib. AIDS-lə Mübarizə Mərkəzinin Əsasnaməsində göstərilən həssas qrupa daxil edilən şəxslərin, o cümlədən rayon mərkəzi xəstəxanasının narkoloji müşahidəsində olan narkomanlardan 6 nəfərin qanının müayinəyə göndərilməsi təmin olunub.

Məktəblərdə pedaqoji və valideyn şuraları, yerli bələdiyyələr, qeyri-hökumət təşkilatları ilə əlaqə genişləndirilmiş, tədris müəssisələrində nəzarət qruplarının fəaliyyəti gücləndirilmiş, ərazilərdə ictimaiyyətin iştirakı ilə “Sağlam ailə-güclü dövlət”, “Gəncliyimizi zərərli vərdişlərdən qoruyaq”, “Narkomaniya ağ ölüm deməkdir”, “Narkomaniya ümumbəşəri bəladır”, “Narkomanlıq bədbəxtlik vasitəsidir” mövzusunda söhbətlər aparılıb. Rayon polis şöbəsinin rəhbərliyi, veteran və ağsaqqallar şurasının üzvləri ilə şəhər orta məktəblərində məktəblilərin görüşləri keçirilmiş, antinarkoloji təbliğat və maarifləndirmə istiqamətində rayon polis şöbəsi, rayon mərkəzi xəstəxanası, ərazi tibb müəssisələri, ərazilər üzrə yerli icra hakimiyyəti, özünüidarə orqanları rəhbərləri tərəfindən həyata keçirilən tədbirlərin səmərəliliyi artırılmış və həyata keçirilən tədbirlər barədə ictimaiyyətin məlumatlandırılması təmin edilib.

Antinarkoloji təbliğat maarifləndirmə tədbirləri çərçivəsində rayon icra hakimiyyətinin dəstəyi ilə hər il 26 iyun BMT-nin “Narkotiklərlə mübarizə günü” münasibətilə aidiyyəti orqanların: təhsil şöbəsi, rayon mərkəzi xəstəxanası və rayon gənclər və idman idarəsinin, yerli özünüidarə orqanlarının, qeyri-hökumət təşkilatlarının, kütləvi informasiya vasitələri nümayəndələrinin iştirakı ilə gənclərlə görüşlər keçirilir, yerli özünüidarə orqanlarının, ictimaiyyət nümayəndələrinin və məktəbli gənclərin təklifləri dinlənilir.

L. Hüseyn

Bu yazı “Azərbaycan Milli İnkişaf layihəsi” İctimai Birliyinin Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə həyata keçirdiyi “Narkotik vasitələrdən və psixotrop maddələrdən istifadə edən şəxslərin sağlam həyat tərzinə qaytarılması üçün təbliğat və maarifləndirmə işinin təşkili” layihə çərçivəsində çap olunur.
скачать dle 10.5фильмы бесплатно




Bölməyə aid digər xəbərlər
15-06-2019, 01:54 Rusiyaya qar yağdı - Fotolar

{sape_links}{sape_article}