Putin “qanuni oğru”ları tacqoymadan məhrum edib - Foto
Tarix: 20-06-2019 14:14 | Bölmə: Cəmiyyət
Putin “qanuni oğru”ları tacqoymadan məhrum edib

Rusiyada 1 nömrəli “qanuni oğru”nun seçilməsi 2024-cü ildən tez baş tutmayacaq.

Bu barədə Znak.com kriminal dairələrdəki mənbələrə istinadla məlumat yayıb.

Mənbə bildirib ki, Putinin hakimiyyətdə olduğu dövrdə hakimiyyət “1 nömrəli “qanuni oğru”-nun seçilməsinə imkan verməyəcək. Çünki Rusiyada hakimiyyət son zamanlar mütəşəkkil cinayətkar qruplaşmalara və onların liderlərinə qarşı sərt mövqe tutub.

Mənbənin dediyinə görə, nə qədər ki, Putun hakimiyyətdədir, heç bir “taclandırma”dan söhbət gedə bilməz.

Qeyd edək ki, Putinin səlahiyyət müddəti 2024-cü ildə başa çatır.

Məlumatda bildirili ki, 1 nömrəli “qanuni oğru” seçkiləri təkcə Rusiya ərazisində deyil, həmçinin avtoritetlərin “sxodka”lara toplaşdığı ölkələrdə də keçirilməyəcək. Məsələ ondadır ki, hətta artıq Türkiyədə də yerli hüquq-mühafizə orqanları “qanuni oğru”ları sıxışdırmağa başlayıb. Bir sözlə, "qanuni oğru"lara yalnız ölkədə hakimiyyətin dəyişməsinə ümid etmək qalır.

Bu səbəbdən "oğru" dünyasındakı anarxiya, hakimiyyətsizlik dövrünü 2024-cü ilə qədər uzatmağa qərar verilib. İki il ərzində - yəni “Şakro Molodoy” azadlığa buraxılmayana kimi "tacqoyma"ya moratorium tətbiq edilib. Onun cəzası isə 2026-cı ildə başa çatır.

Mənbənin yazdığına görə, hazırda "1 nömrəli qanuni oğru " şərti olaraq Yuri Piçuqin (Piçuqa) hesab edilir. Lakin onun “tacqoyma” mərasimi tam olaraq keçirilməyib. Özü indi istintaq altındadır. Onu 1990-cı illərdə cinayətkar cəmiyyətin yaradılmasında ittiham edirlər.

Piçuqinlə birlikdə həmin cinayət işi üzrə 21 nəfər də istintaqa cəlb edilib. Təqsirləndirilənlər mütəşəkkil dəstə yaratmaqda, quldurluqda, insan oğurluğunda, sui-qəsddə, hədə-qorxu yolu ilə pul almaqda, dələduzluqda və digər bu kimi ağır cinayətlərdə ittiham olunurlar.

Putin “qanuni oğru”ları tacqoymadan məhrum edib

"Rosbalt" nəşrinin məlumatına görə, keçən ilin yayında Rusiyanın kriminal aləminin lideri başqa bir “qanuni oğru” - “Şişkan” ləqəbli Oleq Şişkanov olub. Oğru dünyasının liderləri “Vasya Voskres” və “Meliya” öz vəzifələrini - “obşak”a pul yığmağı davam etdirə bilərlər. “Vasya Voskres” və “Meliya” “Şişkan”ın yaxın adamları hesab olunurlar. Bəzi mənbələr “Şişkan”ı yalnız müvəqqəti "1 nömrəli oğru" adladırır.

Xatırladaq ki, 2019-cu il aprelin 1-də Rusiya prezidenti Vladimir Putin Dövlət Duması tərəfindən qəbul edilən və mütəşəkkil cinayətkar qruplaşmaların liderlərini daşıdıqları statusa görə cinayət məsuliyyətinə cəlb etməyi nəzərdə tutan qanunu imzalayıb. Bu qanun imkan verir ki, “qanuni oğru” statusunu boynuna alanlar uzunmüddətli həbslə cəzalandırılsınlar. Vaxtilə həmin praktikadan Gürcüstanda hakimiyyətə gələn Mixail Saakaşvili istifadə etmişdi. Nəticədə çoxsaylı “qanuni oğru”lar Gürcüstandan qaçmalı olmuşdu.(Virtualaz.org)скачать dle 10.5фильмы бесплатно




Bölməyə aid digər xəbərlər
{sape_links}{sape_article}