Rektor icra başçısının qayınanası ilə müşavirilərinə xidməti maşınlar verib
Tarix: 11-12-2019 18:27 | Bölmə: Cəmiyyət
Rektor icra başçısının qayınanası ilə müşavirilərinə xidməti maşınlar verib

"Gəncə Dövlət Universitetinin rektorunun qəbuluna düşmək Prezidentin qəbuluna düşməkdən çətindir. Heç cənab Prezidentin rektorun müşavirləri qədər müşaviri yoxdur. Möhtərəm Yusif Yusibov özünə xeyli sayda müşavir götürüb. Onların rəyi olmadan rektorun qəbuluna düşmək mümkün deyil".

Reyting.az
xəbər verir ki, bunu Gəncə Dövlət Universitetinin məlum səbəblərdən adlarının çəkilməsini istəməyən əməkdaşları Mia.az-a göndərdikləri məktubda yazıblar.

Məktubda qeyd olunur ki, rektorun müşavirləri Asif Cavadov, İlqar Kuybışev və qohumu Elsevər Nağıyevdir: "Hələ bu azmış kimi, universitetdə yeni-yeni vəzifələr yaradıblar, həmin vəzifələrə də öz yaxın qohum-əqrəbalarını, tanışlarını təyin edib.

Yeni yaradılan vəzifələrdən biri də marketinq vəzifəsidir. Bu vəzifəyə Orxan adnda bir şəxsi təyin edib, magistratura şöbəsini bitirib. Başa düşmək olmur, bura universitetdir, yoxsa market?".

Məktubda daha sonra qeyd edilib ki, müşavir Asif Cavadovun həyat yoldaşı da, Psixologiya kafedrasının müdiri Zümrüd Şirinova da vaxtilə prezident seçkilərində Lalə Şövkətin vəkili olub: "Bunu təsdiq edən, o vaxt rəsmi qəzetlərdə dərc olunan xəbərin fotosunu da Sizə göndəririk. Xanım Şirinova bu il alternativsiz secki yolu ilə kafedra müdiri təyin olunub...".

Məlumata görə, baş müşavir Asif Cavadovun baldızı, yəni Psixologiya kafedrasının müdiri Zümrüd Cavadovanın bacısı Yeganə xanım da univerisitetdə vəzifəyə təyin olunub. O, Ümumi texniki fənlər və texnologiya kafedrasında emalatxana müdiridir.

Şikayətçilər daha sonra universitetin bir çox vəzifə sahiblərinin adlarını hallandıraraq, onlar haqqında müxtəlif iddialar irəli sürüblər. Eyni zamanda, rektorun müşaviri və qohumu Elsevər Nağıyevin (20-AA-522 dövlət nömrə nişanlı), prorektor Gülsüm Fətəliyevanın (Deputat Musa Urudun bacısı, Kəpəz rayonu İcra Hakimiyyətinin başçısı Eldəniz Xudiyevin qayınanası) 20-AA-556 dövlət nömrə nişanlı, digər prorektor Pərvin Kərimzadənin 20-AA- 352 nömrə nişanlı, müşavir Asif Cavadovun 20-AA-442 nömrə nişanlı, Fəxrəddin Həsənovun 20-AA-577 nömrə nişanlı, başqa bir prorektor Fəxrəddin Məmmədovun 20-AA-542 nömrə nişanlı, rektorun özünün isə 20-AA-082 nömrə nişanlı xidməti maşınlarına büdcədən çəkilən xərclərin hesabatı istənilib...

Sayt bu və ya digər məqamlarla bağlı GDU-nun Mətbuat xidmətinə sorğu verib.

Sorğuya belə cavab verilib:

"Çox hörmətli mia.az saytının dəyərli əməkdaşları. Bizə yazdığınıza görə, Sizə öz dərin təşəkkürümüzü bildiririk.

Bildirmək istəyirik ki, özlərini jurnalist adlandıran bəzi şəxslər onlara ünvanlanmış hansısa bir anonim məlumatı heç bir araşdırma aparmadan dərc edirlər. Bu isə Gəncə Dövlət Universitetinin işgüzar nüfuzuna və imicinə zərbə vurur.

Hörmətli mia.az, əgər Google üzərindən kiçik bir araşdırma aparsaz, bu məktubda yazılanların müxtəlif vaxtlarda universitet haqqında dərc edilən anonim məktublardan "seçmələr" olduğunu görərsiz.

Bu günlərdə adı Mətbuat Şurasının “qara siyahı”sında olan saytlardan biri GDU ilə bağlı bir yazı vermişdi. Yazıdan bir abzasa baxın:

”… Dünən isə növbədənkənar Elmi Şura çağıran GDU-nun rektoru Yusif Yusibov dekanlara ciddi şəkildə tapşırıb ki, rüşvət qəti ola bilməz,obyektivlik təmin olunmalıdır və imtahanların sualları cavabıyla bir yerdə tələbələrə paylanmalıdır”.

Ardınca isə sayt iddia edir ki, rektor bunu yalandan deyir, onsuz da rüşvət alacaq. Bu "məntiq sahibi” anlamır ki, əgər test suallarının doğru cavabı tələbələrə paylanıbsa, tələbə bu 300-500 sualın cavabını əzbərləyib imtahandan qiymət alacaq, daha niyə rüşvət verməlidir ki???

Maraqlı burasıdır ki,"qarşı tərəfin mövqeyini verə bilərik" sözləri məqalənin altında yazılsa da, belə saytların rəhbərliyi bu mövqeyi verməkdən imtina edirlər. Bu isə KİV haqqında qanuna ziddir.

Ümumiyyətlə, bildirmək istəyirik ki, Gəncə Dövlət Universiteti ilə bağlı kütləvi informasiya vasitələrinə göndərilmiş böhtan xarakterli bu yazılar reallığı əks etdirmir və universitetin işgüzar nüfuzuna xələl gətirmək məqsədini daşıyır. Bu yazıları müxtəlif saytlara göndərənlər isə tərəqqini, inkişafı gözü götürməyən, hər bir mütərəqqi ideyalara qarşı çıxan, işindəki nöqsanlara görə tutduqları vəzifədən azad edilən və buna görə də, universitet rəhbərliyindən heyf almaq məqsədi ilə alışıb yanan müxalif fikirli insanlardır. Belə şəxslər saxta emaillər düzəldərək öz cızmaqaralarını müxtəlif kütləvi informasiya vasitələrinə göndərib, saxta adlarla bu yazıların dərcinə nail olmaq və ictimai fikiri çaşdırmaq məqsədi güdürlər.

Bir daha Sizə öz dərin təşəkkürümüzü bildiririk.Tanrı Sizin kimi dəyərli jurnalistləri qorusun.

Hörmətlə, Elçin Cavadov,

Gəncə Dövlət Universitetinin dosenti, texnika elmləri doktoru".
скачать dle 10.5фильмы бесплатно




Bölməyə aid digər xəbərlər
{sape_links}{sape_article}