14:03 / 18-07-2024
Tramp Avropanı qorxudur
13:20 / 18-07-2024
Tramp Baydendən önə keçir
NATO: Kosovoya müdaxilə etməyə hazırıq
Tarix: 25-09-2023 16:00 | Bölmə: Dünya
NATO: Kosovoya müdaxilə etməyə hazırıq

Dünən axşam saatlarında Kosovoda bir polis məmurunun ölümü ilə nəticələnən silahlı hücumdan sonra KFOR NATO Sülh Günü ilə bağlı açıqlama verib.

Reyting.az
-ın xəbərinə görə, vəziyyətin yaxından izlənildiyini bildirən NATO-nun Kosova Gücü (KFOR) elan edib ki, lazım gələrsə, əsgərləri bölgəyə müdaxilə etməyə hazırdır.

Qeyd edək ki, Kosovanın şimalındakı İzveçan bölgəsində silahlı hücum nəticəsində Kosovo polisi Afrim Bunjaku həyatını itirib. Kosovo baş naziri Albin Kurti hücumla bağlı açıqlamasında deyib ki, şimalda qətl və zorakılıq bu silahlı və mütəşəkkil peşəkar qüvvələr tərəfindən nömrə nişanı olmayan zirehli maşınlarda törədilir: “Bir daha qeyd edim ki, bu terror hücumlarını adi Kosovo serb vətəndaşları deyil, Serbiya dövlətinin dəstəklədiyi qoşunlar həyata keçirir”.

Kosovo polisi hücum edənlərdən ikisinin saxlanıldığını, 3 hücumçunun isə zərərsizləşdirildiyini açıqlayıb. NATO-nun rəhbərliyi ilə qurulan çoxmillətli Sülh Günü KFOR-dan verilən açıqlamada deyilir:

“KFOR vəziyyəti yaxından izləməyə davam edir. KFOR Komandanı bütün beynəlxalq maraqlı tərəflərlə, o cümlədən Avropa İttifaqı, Serbiya Silahlı Qüvvələrinin Baş Qərargahı və Kosovodakı qurumlarla sıx və daimi təmasdadır. NATO-nun rəhbərlik etdiyi KFOR missiyası Kosovo polisinə hücumu qətiyyətlə pisləyir və həyatını itirənlərin ailələrinə və yaxınlarına dərin hüznlə başsağlığı verir”.

ELÇİN




Bölməyə aid digər xəbərlər
{sape_links}{sape_article}