17:38 / 28-03-2024
Əməkdar artist vəfat edib
Sənaye müəssisələrinin satatistik göstəriciləri açıqlanıb
Tarix: 18-03-2020 20:17 | Bölmə: İqtisadiyyat
Sənaye müəssisələrinin satatistik göstəriciləri açıqlanıb
Füzuli rayonu üzrə 2019-cu ildə 10 sənaye, o cümlədən 6 dövlət, 4 qeyri-dövlət sənaye müəssisəsi fəaliyyət göstərib. Müəssisələrdən 7-si iri, 3-ü kiçik müəssisədir.

Reyting.az
xəbər verir ki, bu, Füzuli Rayon Statistika İdarəsinin 2019-cu ilin yanvar-dekabr ayları üzrə Təhlil məruzəsində qeyd edilib.

İdarə rəisi Rafiq Məstəliyevin təqdim etdiyi Təhlil məruzədə sənaye müəssisələrinin işinin əsas göstəricilərində bildirilir ki, rayondakı sənaye sahələrində ümumilikdə 19416.7 min manatlıq və ya ötən ilin eyni dövrü ilə müqayisədə 2922.7 min manat və ya 17.7 faiz çox məhsul istehsal edilib və sənaye xarakterli xidmətlər göstərilib. Sənaye məhsulunun 13452,5 min manatı 69.2 faizi dövlət, 5964.4 min manatı və ya 30.8 faizi isə qeyri-dövlət müəssisələrinin payına düşüb.

Dövlət sektoruna aid olan müəssisələr, elektrik enerjisinin istehsalı, alınması və istehlakçılara ötürülməsini, suyun yığılması, təmizlənməsi və istehlakçılara ötürülməsini, qazın alınmasını və istehlakçılara ötürülməsini, istilik enerjisinin istehsalı və istehlakçılara ötürülməsini həyata keçirib.

Füzuli Elektrik Şəbəkəsi elektrik enerjisini İmişli Regional Ekektrik Şəbəkəsindən alıb istehlakçılara ötürür.

Füzuli rayon Su Elektrik Stansiyası isə öz istehsalı olan elektrik enerjisini istehlakçılara ötürür.

Füzuli Elektrik Şəbəkəsinin hal-hazırda 103 işçisi var və orta aylıq əməkhaqqı 561,4 manatdır.

Füzuli Su Elektrik Stansiyasının isə 24 işçisi var və orta aylıq əməkhaqqı 604,3 manatdır.

Suyun yığılması, təmizlənməsi və istehlakçılara verilməsini Füzuli Rayon Su Kanal İdarəsi həyata keçirir. Su Kanal İdarəsinin 216 işçisi var və orta aylıq əməkhaqqı 293,1 manatdır.

Qazın alınması və istehlakçılara ötürülməsini Füzuli Rayon Qaz İdarəsi həyata keçirir. Bu idarənin 54 işçisi var və orta aylıq əməkhaqqı 655,6 manatdır.

İstilik enerjisinin istehsalı və onun istelakçılara çatdırılması ilə Füzuli Rayon İstilik İdarəsi məşğul olur. Bu idarənin 2 işçisi var və orta aylıq əməkhaqqı 358,1 manatdır.

Dövlətə aid olan müəssisələrdən biri də “Azərxalça” ASC-nin Füzuli rayon filialıdır. “Azərxalça” ASC-nin Füzuli rayon filialı Horadiz şəhərində 2017-ci ilin yanvar ayından fəaliyyətə başlayıb. Filialın 89 işçisi var və orta aylıq əməkhaqqı 159,6 manatdır.

Qeyri-dövlət sektoruna aid müəssisələr isə çörək istehsalı, plastik məmulatların istehsalı, iş blanklarının, sənəd formalarının çapı ilə məşğul olurlar.

Çörək istehsalı ilə “Beyləqan Taxıl” MMC məşğuldur.

“Beyləqan Taxıl” MMC-nin 42 işçisi var və orta aylıq əməkhaqqı 228,0 manatdır .

Plastik məmulatların istehsalı ilə “Səma Plastik” MMC məşğuldur. “Səma Plastik” MMC 2016-cı ilin II rübündən fəaliyyətə başlayıb və 26 işçisi var, orta aylıq əməkhaqqı isə 223,0 manat təşkil edir.

İş blankları və sənəd formalarının çapı işləri ilə “Poliqraf-2015” MMC və 2019-cu ilin yanvar ayından fəaliyyətə başlayan “İlkin KO” MMC məşğul olub. Lakin 1-ci rübdən sonra “Poliqraf-2015” fəaliyyətini dayandırıb. “İlkin KO” MMC-nin isə 4 işçisi var və orta aylıq əməkhaqqı 231,2 manatdır.

2019-cu ildə sənaye müəssisələrində işçilərin sayı 2018-ci ilin eyni dövrü ilə müqayisədə 1,3 faiz artıb. Belə ki, 2019-cu il ərzində sənaye müəssisələrində 554 nəfər muzdlu işçi çalışıbsa, 2018-ci ilin eyni dövründə 518 nəfər muzdlu işçi çalışıb. 554 işçinin 129 nəfərini qadınlar, 425 nəfərini isə kişilər təşkil edib.

Sənaye müəssisələrində, 142272 mvt.s elektrik enerjisi, 801 min kubmetr icməli su, 1902,4 ton çörək, 369,0 Qkal istilik enerjisi, 21,9 milyon kubmetr qaz, 1064326 kiloqram plastik məmulatlar, 129,7 min manatlıq iş blankları və sənəd formaları istehsal olunub və istehlakçılara verilib.

Bildirilir ki, qeydiyyatda olan sənaye müəssisələri Füzuli Rayon Statistika İdarəsi ilə sıx əməkdaşlıq edirlər.




Bölməyə aid digər xəbərlər
{sape_links}{sape_article}