ADA-nın məzunu Romada uğur qazanıb - Fotolar
Tarix: 19-09-2019 12:59 | Bölmə: Xəbərlər
ADA-nın məzunu Romada uğur qazanıb

Mənzil-qərargahı ABŞ-ın Nyu-York şəhərində yerləşən Association for Computing Machinery-in (Hesablama Maşınları Birliyi) təşəbbüsü ilə “Müxtəliflik cəmiyyətdə dəyişikliyə səbəb olur” devizi altında 16-18 sentyabr tarixində İtaliyanın paytaxtı Romada informasiya texnologiyaları sahəsində qadınların roluna həsr olunmuş konfrans keçirilib.

Reyting.az
-ın məlumatına görə, konfransın ilk günü “Məlumat alimi kim?”- devizi altında Süni İntellektin Ustaları adlı yarış keçirilib. Konfrans iştirakçıları arasından formalaşdırılan 20-dən artıq komandanın qalibi Sapienza-Roma Universitetinin magistri, ADA Universitetinin məzunu Ülviyyə Cəfərlinin də daxil olduğu 4 nəfərdən ibarət komanda olub. Azərbaycanlı gənc proqramçı Ülviyyə Cəfərli ilə yanaşı Estoniyadan olan əslən azərbaycanlı Günay, tunisli Amani, rumıniyalı Kristinanın da daxil olduğu komandanın təqdim etdiyi “Dövrü iqtisadiyyat” (Circular Economy) layihəsi birincilik qazanıb. Buna görə qalib komanda təşkilatçılar tərəfindən oktyabr ayında Milanda keçiriləcək “Milan Liderlik Zirvəsi”nə (Singularity Summit Milano) dəvət alıb.

ADA-nın məzunu Romada uğur qazanıb

Qeyd edək ki, Association for Computing Machinery-in Romada keçirilən konfransı sayca altıncıdır. Hər il dünyanın bir ölkəsində keçirilən bu konfransa informasiya texnologiyaları sahəsində dünyanın ən böyük şirkətlərinin təmsilçiləri və nüfuzlu alimlər qatılır. Roma konfransında Francesca Rossi (IBM), Sihem Amer-Yahia (CNRS), Donatella Sciuto (Politecnico di Milano) and Danielle (Sparky) VanDyke (Google) kimi şəxslərin də əsas məruzəçilər qismində iştirak etməsi tədbirin yüksək səviyyəsindən xəbər verir.

ADA-nın məzunu Romada uğur qazanıb
Ülviyyə Cəfərli

Onu da qeyd edək ki, belə bir nüfuzlu konfransa ADA Universitetinin məzunun qatılması və yarışmanın qaliblərindən olması həm qürurvericidir, həm də azərbaycanlı gənc proqramçların çox yaxın illərdə sini intellekt sahəsində böyük uğurlara imza atacaqlarından xəbər verir.

Məlumat üçün bildirək ki, ölkəmizi mötəbər konfransada uğurla təmsil etmiş Ülviyyə Cəfərli politoloq Xəqani Cəfərlinin qızıdır.




Bölməyə aid digər xəbərlər
15-03-2024, 01:00 Hakan Fidan Bakıya gəlib
14-03-2024, 21:31 Anar - Fəxri Uğurlu yazır

{sape_links}{sape_article}