Keçmiş nazir ev məhbusluğuna buraxılmadı - Qərar
Tarix: 14-08-2020 13:53 | Bölmə: Siyasət
Keçmiş nazir ev məhbusluğuna buraxılmadı

Ötən gün Bakının Səbail Rayon Məhkəməsində keçmiş Müdafiə naziri Rəhim Qazıyevin ev məhbusluğuna buraxılması barədə vəsatətə baxılıb.

Reyting.az
-ın məlumatına görə, Rəhim Qazıyevin doğmaları bildiriblər ki, müdafiə tərəfi, 78 yaşlı müttəhimin səhhətilə bağlı problemləri, istintaqdan yayınmaq niyyətinin olmaması ilə əlaqədar qətimkan tədbirinin dəyişdirilməsi barədə vəsatət qaldırıb.(Turan İA)

Keçmiş nazir məhkəmədə təqsirsiz olduğunu bildirib. Lakin məhkəmə vəsatəti təmin etməyib.

Xatırladaq ki, Dövlət Təhlükəsizliyi Xidməti (DTX) əməkdaşları R. Qazıyevi iyulun 13-də saxlayıblar. DTX və Baş Prokurorluğun birgə məlumatında deyilir ki, R. Qazıyevin iyulun 12-13-də Ermənistan-Azərbaycan sərhəddində hərbi əməliyyatlar barədə həqiqətəuyğun olmayan məlumatları sosial şəbəkələrdə “məqsədyönlü” şəkildə yaydığına dair əsaslı şübhələr var idi.

Bununla o, “Azərbaycanın müdafiə qabiliyyətinin zəifləməsinə yönəlmiş hərəkətlər” törədib.

Bundan əlavə, R. Qazıyev “iğtişaşlara və dövlət hakimiyyətinin zorla ələ keçirilməsinə” çağırışlarda təqsirli bilinir.

R. Qazıyevə qarşı Azərbaycan Respublikası Cinayət Məcəlləsinin 281-ci (dövlətə qarşı açıq çağırışlar) və 282-ci (təxribat) maddələri ilə ittiham irəli sürülüb. Bu maddələrə görə onu 15 ilədək azadlıqdan məhrumetmə cəzası gözləyir.

Rəhim Qazıyev 1992-ci ildən 1993-cü ilə qədər Azərbaycanın Müdafiə naziri olub. 1993-cü ilin payızında Şuşa və Laçın şəhərlərinin erməni qoşunları tərəfindən işğalı işi üzrə həbs edilib.

1994-cü ilin sentyabrında R. Qazıyev təcridxanadan qaçıb 1996-cı ilə qədər Rusiyada gizlənib. 1995-ci ildə onu qiyabi olaraq ölüm hökmünə məhkum etmişdilər ki, sonradan ömürlük həbslə əvəzləndi. 1996-cı ildə R. Qazıyev Azərbaycana ekstradisiya edilib. 2005-ci ildə əfv edildikdən sonra azadlığa çıxıb.




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}