Kollecdə narkomaniyaya qarşı tədbir keçirilib - Fotolar
Tarix: 23-11-2022 23:30 | Bölmə: Xəbər lenti
Kollecdə narkomaniyaya qarşı tədbir keçirilib

Tibb Kollecində "Narkomaniyaya və zərərli vərdişlərə qarşı" maarifləndirmə tədbiri keçirilib.

QHT-lərə Dövlət Dəstəyi Agentliyinin maliyyə dəstəyi ilə "Miqrasiya Sahəsinin İnkişafı" İctimai Birliyi tərəfindən icra edilən layihə çərçivəsində növbəti tədbir saylı Bakı Baza Tibb Kollecində olub.

Layihə rəhbəri, "Miqrasiya Sahəsinin İnkişafı” ictimai birliyinin sədri Vidadi Fətullayev çıxışında, narkomaniya və zərərli vərdişlərə qarşı ölkəmizdə aparılan mübarizə və maarifləndirmə işlərində, dövlət qurumları ilə yanaşı ictimaiyyətin də fəal rol almasının vacib olduğunu qeyd edib.

Ölkəmizdə vətəndaşların sağlamlığı sahəsində həyata keçirilən islahatlardan və gənclərimizin elm, idman və başqa sahələrdə qazandıqları nailiyyətlərdən bəhs edən QHT sədri, cəmiyyətimizin fəal üzvləri kimi tələbələri, Azərbaycan prezidenti İlham Əliyevin bu il Gənclər Günündə gənclərimizə verdiyi dəyərli tövsiyələrə əməl etməyə, narkomaniya bəlasına və zərərli vərdişlərə qarşı qətiyyətli mübarizəyə səsləyib.

Tədbirdə çıxış edən Narkotiklərlə Mübarizə üzrə Dövlət Komissiyası (NMDK) İşçi Qrupunun məsul əməkdaşı Vasif Quliyev, Azərbaycan prezidentinin imzaladığı və 2019-2024-cü illəri əhatə edən Dövlət Proqramı haqqında məlumat verib, həmçinin slaydlardan istifadə edərək, mövzu barədə ətraflı çıxış edib və tədbir iştirakçılarının suallarını cavablandırıb.

Maarifləndirici buklet və kitabçaların paylandığı tədbirin iştirakçıları ölkə rəhbərliyinə, gənclərə göstərilən qayğı və etimada görə minnətdarlıqlarını ifadə edən tədbir iştirakçıları, tədbirin təşkilinə görə NMDK İşçi Qrupu, QHT-lərə Dövlət Dəstəyi Agentliyi və Tibb Kollecinin rəhbərliklərinə təşəkkürlərini
bildiriblər.





Bölməyə aid digər xəbərlər
{sape_links}{sape_article}