17:35 / 26-10-2020
Pakistan Fransaya nota verib
Lavrov Ceyhun Bayramovla müzakirə aparıb - Hərbi əməliyyatlarla bağlı
Tarix: 27-09-2020 16:02 | Bölmə: Siyasət
Lavrov Ceyhun Bayramovla müzakirə aparıb - Hərbi əməliyyatlarla bağlı

Bu gün Rusiyanın XİN başçısı Sergey Lavrov Türkiyə Xarici İşlər naziri Mövlud Çavuşoğlu və Ermənistan XİN başçısı Zöhrab Mnatsakanyanla telefonla müzakirə aparandan sonra Azərbaycanın Xarici İşlər naziri Ceyhun Bayramovla da danışıb.

Reyting.az
"Ria Novosti"yə istinadla xəbər verir ki, tərəflər Azərbaycan-Ermənistan arasındakı vəziyyətin gərginləşməsini müzakirə ediblər.

***

Cari ilin 27 sentyabr tarixində qarşı tərəfinin təşəbbüsü əsasında Azərbaycan Respublikası Xarici İşlər naziri Ceyhun Bayramov ilə Rusiya Federasiyasının Xarici İşlər naziri Sergey Lavrovun telefon danışığı baş tutub.

Xarici İşlər Nazirliyinin (XİN) Mətbuat Xidməti idarəsindən Reyting.az-a verilən məlumata görə, telefon danışığı zamanı Rusiya Xarici İşlər naziri bölgədə mövcud olan vəziyyət ilə əlaqədar narahatlığını ifadə edib və atəşkəsin bərpa olunmasının vacibliyini qeyd edib.

Nazir Ceyhun Bayramov bu ilin 27 sentyabr tarixində Ermənistan silahlı qüvvələrinin atəşkəs rejimini kobud şəkildə pozaraq, təmas xətti boyunca Azərbaycan mövqelərini iriçaplı silahlar, minaatanlar və müxtəlif çaplı artilleriya qurğularından atəşə tutaraq, Azərbaycana qarşı növbəti təcavüzə əl atdığını qeyd edib və bu hücumun Ermənistanın son aylar ərzində həyata keçirdiyi məqsədyönlü təxribatçı fəaliyyətin davamı olduğunu bildirib.

Azərbaycan tərəfinin özünümüdafiə hüququ çərçivəsində və mülki əhalinin təhlükəsizliyini təmin etmək məqsədilə, Ermənistan silahlı qüvvələrinə qarşı müvafiq əks-tədbirlər həyata keçirdiyi qeyd olunub.




Bölməyə aid digər xəbərlər
bütün xəbərlər
{sape_links}{sape_article}