14:50 / 28-02-2024
Lavrov Türkiyəyə gedir
Azərbaycan və Ermənistanın əsir mübadiləsi sülh sazişinə müsbət təsir edəcək
Tarix: 08-12-2023 18:09 | Bölmə: Slayd
Azərbaycan və Ermənistanın əsir mübadiləsi sülh sazişinə müsbət təsir edəcək

“Dünən axşam saatlarında Azərbaycan və Ermənistan arasında əsirlərin dəyişdirilməsi ilə bağlı razılıq və birgə bəyanat çox mühüm hadisədir. Nəzərə almaq lazımdır ki, proses üçüncü tərəfin iştirakı olmadan, vasitəçisiz, Azərbaycan və Ermənistan rəhbərlərinin razılığı əsasında baş verir. Hesab edirəm ki, bu mühüm hadisələrin xəbərçisi də ola bilər”.

Bunu Reyting.az-a hərbi analitik Azad İsazadə Azərbaycan və Ermənistan arasında üçüncü qüvvələrin iştirakı olmadan əsir dəyişdirilməsi və sülh naminə etimad mühitinin yaradılması üçün əldə olunan razılaşmanı şərh edərkən deyib.

A. İsazadənin sözlərinə görə, istər Azərbaycan, istərsə də Ermənistan cəmiyyətində əsirlərlə bağlı narahatlıq hər zaman olub, hiss edilib və bu, təbidir.

Hərbi analitikin fikrincə, üçüncü qüvvənin iştirakı olmadan tərəflərin əsirlərlə bağlı razılaşma əldə etməsi cəmiyyətlərdəki narahatlıqları aradan qaldıracaq və məntiqlə etimad mühitinin yaradılmasına kömək edəcək:

“Qeyd edim ki, dövlətlər arasında əsirlərin dəyişdirilməsi simvolik hadisədir və burada vacibi siyasi addımlardır. Mənim ehtimalıma görə, adətən belə addımlar üçüncü qüvvələrin vasitəçilik səyləri sayəsində əldə edilirdi. Amma biz müşahidə etdiyimiz prosesdə üçüncü qüvvə, yəni vasitəçi yoxdur. Deməli, məntiqlə bu razılaşmalar sülhün əldə edilməsi üçün danışıqlar prosesinə müsbət təsir göstərməlidir”.

A. İsazadə xatırladıb ki, son bir həftə ərzində xüsusilə gərginlik müşahidə olunub: “Danışıqlar prosesi faktiki olaraq səngimişdi, bəzi görüşlər təxirə salınmışdı, xaricdən təzyiqlər müşahidə olunurdu və s. Amma indi vəziyyət dəyişir, ümidlər yaranır, etimad mühiti önə çıxır. Hesab edirəm ki, bu, sülh prosesinə müsbət təsir edəcək. Cəmiyyətin əsirlərlə bağlı müəyyən qədər rahatlanması digər problemlərin də həllinə diqqəti artıracaq”.

Y. QACAR




Bölməyə aid digər xəbərlər
{sape_links}{sape_article}