Sədrlərin davası qızışır: biri digərini terrorçu təşkilatla əlaqədə suçlayır - İttiham
Tarix: 17-08-2019 21:40 | Bölmə: Slayd
Sədrlərin davası qızışır: biri digərini terrorçu təşkilatla əlaqədə suçlayır

Azərbaycan Demokrat Partiyasının sədri Sərdar Cəlaloğlu ilə Böyük Quruluş Partiyasının başqanı, deputat Fazil Mustafa arasında başlayan qalmaqal daha da qızışır. Artıq tərəflər qarşılıqlı təhqirlərdən də çəkinmirlər.

Reyting.az
-ın məlumatına görə, Fazil Mustafa özünün facebook hesabında yazıb ki, mənə bu vaxta qədər "FETO"çu deyənlər, o cümlədən Sərdar Cəlaloğlu bunu sübut etməsələr, namussuzdurlar.

F. Mustafa onu ittiham edənlərə xitabən yazıb ki, bütün böhtançılar özlərini ifşa edirlər: “Neçə müddətdir böhtanlarını sağa-sola dağıdırlar və deyirlər ki, ittihamlarımı sübut edərəm. Qarşılarına şərt qoyanda ki, sübut etməsən namussuzsan, o zaman mövzudan yayınmağa çalışırlar”.

F. Mustafa S. Cəlaloğlunu nəzərdə tutaraq yazıb:

“Mən adama deyirəm ki, PKK-çı ilə görüşmüsən. Adam özü də etiraf edir ki, bəli, görüşmüşəm. Ardınca deyirəm ki, ondan vaxtilə təlimat aldığını ehtimal edirəm. Yəni "sübut edərəm",- demirəm, "ehtimal edirəm",- deyirəm. Sən isə mənə "sübut edərəm",- deyirsən. Mənim "ehtimalım" subyektiv mülahizədir, sənin "sübut etmən" hüquqi iddiadır. Bu fərqi anlamayacaq bir cahilin mənimlə mübahisədə nə işi var?”

Fazil Mustafa ona “FETÖ”çu deyən şəxslərdən iddiaları üçün konkret sübut ortaya qoymasını tələb edib:

“Yenə deyirəm, mənə bu vaxta qədər "FETO"çu deyənlər, o cümlədən Sərdar Cəlaloğlu da bunu sübut etməsələr, namussuzdurlar. Olmayan bir şeyi necə sübut edəcəklər?

Üstəlik, ittihamlarının ardınca mənə yol da göstərir. Deyir ki, özü MTN-ə müraciət etsin, bu da gedib orada əleyhimə ifadə versin. Yenə də hüquqi savadsızlıq ortaya qoyur. Təqsirsizlik prizumsiyası deyilən termindən xəbəri yoxdur. Sanki ittiham olunan şəxs özü təqsirsizliyini sübuta yetirməliymiş. Buyur, MTN-ə, Türkiyə MİT-nə, Rusiya FSB-nə müraciət elə, əksinə, mən gedim ortaya sübut qoyum ki, bu böhtanlar hansı ölkənin “mətbəxində” hazırlanaraq tirajlanır və Sərdar Cəlaloğluna da məhz bu ifadəni işlətməyi niyə həvalə ediblər”.

F. Mustafa sonda qeyd edib ki, elmdə nisbilik nəzəriyyəsini biologiyaya qatıb “Gülümsərovluq” etmək onsuz da bir utancverici davranışdır, üstəlik, böhtançılıqla da məşğul olmaq insana şərəf gətirməz.

скачать dle 10.5фильмы бесплатно




Bölməyə aid digər xəbərlər
{sape_links}{sape_article}