İqtidar tərəfdarları ayrı-seçkilik edib: bəzi partiyalar tədbirə çağrılmayıb
Tarix: 11-09-2019 13:45 | Bölmə: Slayd
İqtidar tərəfdarları ayrı-seçkilik edib: bəzi partiyalar tədbirə çağrılmayıb

Azərbaycanda fəaliyyət göstərən bir sıra siyasi partiyaların, qeyri-hökumət təşkilatlarının və media təmsilçilərinin iştirakı ilə “Azərbaycandakı siyasi proseslərə xarici müdaxilələrin yolverilməzliyi” mövzusunda dəyirmi masa keçirilir.

Görüşə bir sıra müxalifət partiyaları qatılsa da, iştirak etməyənlər də var. Bu barədə Reyting.az-a açıqlama verən Ədalət Partiyasının sədr müavini Mütəllim Rəhimli deyib ki, onlar da sözügedən tədbirə dəvət olunmayıblar.

Onun sözlərinə görə, hakim partiyanın deyil, hakimiyyətə yaxın hansısa digər partiyanın təşkilatçılığı ilə belə bir tədbirin keçirilməsi başadüşülən deyil:

İqtidar tərəfdarları ayrı-seçkilik edib: bəzi partiyalar tədbirə çağrılmayıb
Mütəllim Rəhimli

"Həmin tədbirə dəvət olunmadığımız üçün hər hansı mənfi fikir söyləmək istəmirəm. Amma nə deyim, qoy toplansınlar, danışsınlar. Ədalət Partiyası missiyası bəlli olan siyasi təşkilatdır. Ədalət Partiyasının iştirak etmədiyi tədbirdə iqtidar-müxalifət müzakirəsi kimi hansısa nəticə gözləmirik".

ReAL partiyanın icra katibi Natiq Cəfərli isə Reyting.az-ın əməkdaşı ilə söhbətində deyib ki, onlar da sözügedən tədbirə dəvət olunmayıblar və bu səbəbdən də həmin görüşdə iştirak etmirlər: "Əgər dəvət Yeni Azərbaycan Partiyasından gəlsəydi, bu təklifi dəyərləndirərdik. Biz belə bir dialoq ortamından qaçan deyilik. Amma siyasi qüvvələr arasındakı görüşün belə formatda keçirilməsini doğru saymıram”.

İqtidar tərəfdarları ayrı-seçkilik edib: bəzi partiyalar tədbirə çağrılmayıb
Natiq Cəfərli

N. Cəfərli bildirib ki, hakim partiyanın təşəbbüsü ilə, müəyyən olunmuş mövzular ətrafında müzakirələr təşkil olunsa, rəsmi dəvət göndərilsə, iştirak edərlər və burada heç bir problem yoxdur: “Bugünkü tədbirə gəlincə, çağırılmayan yerə necə gedək? Hesab edirəm ki, bu məsələlərdə hakim partiya özü təşəbüskar olmalıdır. Əslində bu cür görüşlərə çoxdan ehtiyac var".

Müsavat Partiyasının başqanı Arif Hacılıya dəvət göndərilsə də, o, dəyirmi masaya qatılmayıb. Dəyirmi masaya qatılmaması ilə bağlı Modern.az-a danışan Müsavat başqanı Arif Hacılı bildirib ki, tədbirin adının qeyri-müəyyənliyi və formatı onları qane etməyib: “Əsas məsələ odur ki, xarici müdaxilə nə deməkdir?! Burada nəyin nəzərdə tutulduğu aydın deyil. Eyni zamanda, tədbirdə iştirak edən partiyalar, təşkilatlar, həmçinin, format bizi qane etmədiyindən iştirak etmədik”.

“Növbəti dialoq keçirildiyi təqdirdə dəvət olarsa, qatılarsınızmı” sualına A. Hacılı belə cavab verib:

İqtidar tərəfdarları ayrı-seçkilik edib: bəzi partiyalar tədbirə çağrılmayıb
Arif Hacılı

“Müsavat Partiyasının bu məsələyə konseptual yanaşması ondan ibarətdir ki, biz ümummilli məsələlərin müzakirələrində real siyasi qüvvələrlə müzakirələr aparmağa hazırıq. Bu, hakimiyyət və müxalifət partiyaları da ola bilər. Ancaq hər hansı qeyri-müəyyən məzmunda, qeyri-müəyyən tərkibdə keçirilən tədbirlər səmərəsizdir”.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}