11:26 / 21-10-2019
Ruhani Bkaıya gəlir
"İstefa qərarını Novruz Məmmədov özü verib" - YAP-çı deputat
Tarix: 08-10-2019 16:15 | Bölmə: Slayd
"İstefa qərarını Novruz Məmmədov özü verib"

“Baş nazir təyinatı bir günün içərisində baş verməyib. Milli Məclisin sədri Oqtay Əsədov da çıxışı zamanı qeyd etdi ki, Novruz Məmmədovun özü cənab Prezidentə müraciət edib ki, bu sahədə çalışmaq istəmir”.

Bu fikirləri Reyting.az-a YAP icra katibinin müavini, deputat Siyavuş Novruzov yeni Baş nazirlə bağlı suala cavabında deyib.

O, əlavə edib ki, ölkədə sürətli inkişaf, iqtisadi islahatlar gedir:

“Novruz müəllim beynəlxalq münasibətlər üzrə ciddi mütəxəssisdir. Uzun müddət bu sahədə çalışıb. Demək olar ki, hər gün Azərbaycana səfərlər olur, Azərbaycandan xaricə səfərlər edilir, görüşlər və s.

Əsas iqtisadi proqramların həyata keçirilməsidir. Həm də regionların sosial-iqtisadi inkişafı və digər proseslər var.

İstefa vermək Novruz müəllimin özünün seçimidir. Burada başqa bir məsələ yoxdur”.

"İstefa qərarını Novruz Məmmədov özü verib"
S. Novruzov

Siyavuş Novruzov əlavə edib ki, həm Baş nazir vəzifəsindən istefa verən Novruz Məmmədov, həm də yeni Baş nazir Əli Əsədov YAP Siyasi Şurasının üzvləridir. Bununla yanaşı, Novruzov qeyd edib ki, belə təyinatların YAP-da müzakirəsinə ehtiyac yoxdur: “Cənab sədrin tam səlahiyyəti var ki, etimad göstərdiyi şəxsi vəzifəyə təyin etsin. Həm ölkə Prezidenti, həm də YAP-ın sədri kimi”.

S. Novruzov bildirib ki, Ə. Əsədov iqtisadiyyatı dərindən bilir: “Uzun illər ölkə Prezidentinin iqtisadi məsələlər üzrə köməkçisi vəzifəsində çalışıb. YAP-ın iqtisadiyyat komitəsinin sədri olub. Yəni siyasəti, iqtisadiyyatı, ölkəmizin iqtisadi inkişaf strategiyasını gözəl bilir, müstəqillik illərindən bu yana Azərbaycanda yaşayıb və fəaliyyət göstərib. Həm nəzəri, həm də praktiki olaraq bu sahəni bilir. Güman edirik ki, cənab Prezidentin etimadını doğruldacaq”.

Sosial şəbəkələrdə Baş nazir təyinatının İlham Əliyevin Soçi səfərindən sonra baş verməsi və bu iki məsələni bir-birilə əlaqələndirmək cəhdlərinə gəldikdə, Siyavuş Novruzov bildirib ki, bu məsələlərin bir-birilə əlaqəsi yoxdur.

Reyting.az
скачать dle 10.5фильмы бесплатно




Bölməyə aid digər xəbərlər
{sape_links}{sape_article}