15:58 / 12-10-2019
Qarğış edən radikallar
Qulinin öldürülməsi üçün cinayət aləminin liderindən kömək istəyiblər
Tarix: 08-10-2019 18:18 | Bölmə: Cəmiyyət
Qulinin öldürülməsi üçün cinayət aləminin liderindən kömək istəyiblər

Kriminal aləmin liderlərindən biri, azərbaycanlı “qanuni oğru” Nadir Səlifovun (Quli) əleyhdarları onunla haqq-hesab çəkmək üçün muzdlu qatillərdən, yaxud xüsusi xidmət əməkdaşlarından yardım almaq qərarına gəliblər.

Reyting.az
xarici KİV-ə istinadla xəbər verir ki, Səlifov Qətərdə olanda İstanbula gizli şəkildə bir günlük “qanuni oğru” Badri Koquaşvili (Kutaisski) – Rusiyanın cinayətkar aləminin lideri Zaxariya Kalaşovun (Şakro Molodoy) moskvalı varisi gəlib.

Məlumata görə, Koquaşvili bir sıra kriminal avtoritetlə, o cümlədən Türkiyənin cinayətkar aləminin lideri Sedat Pekerlə görüşüb.

İddia olunur ki, Koquaşvili Kalaşovun rəsmi təmsilçisi kimi Pekerdən Səlifovun fiziki məhvi planı ilə bağlı yardım istəyib, lakin müsbət cavab almayıb.

Qeyd edilir ki, Koquaşvili Səlifovun məhvi məsələsində təkcə türkiyəli mafiozlarla müzakirə aparmır.

Azərbaycanın əsas avtoritetinin düşmənlərinin ikinci variantı Səlifovun Yunanıstana oğru yığıncağına çağırılmasıdır. Bu varianta görə, əgər Quli Yunanıstana gələrsə, həmin ölkənin hüquq-mühafizə orqanlarının əməkdaşları onu beynəlxalq axtarışda olan şəxs kimi saxlayacaqlar.

Mənbələr iddia edir ki, Səlifovun saxlanılması üzrə cavabdeh olan şəxslər də artıq məlumdur. Bunlar sərhəd mühafizəsi üzrə dəstənin direktoru Aristidis S. və İnterpolun mütəşəkkil cinayətkarlıqla mübarizə üzrə xəttinin əməkdaşı Dimitra Karakostadır.

Oktyabrın 5-də yayılan xəbərə görə, Nadir Səlifov yaşayış yerini dəyişərək Türkiyədən Qətərə gedib. Onun bu gedişinin səbəbi kimi oğru aləmində haqqında yayılan xoşagəlməz müzakirələrdir.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}