Amansız polis: bəzi ölkələrdə etirazçılarla daha sərt davranırlar - Fotolar
Tarix: 21-10-2019 18:30 | Bölmə: Slayd
Amansız polis: bəzi ölkələrdə etirazçılarla daha sərt davranırlar

Üçüncü dünya ölkələrində baş verən razılaşdırılmamış etiraz aksiyalarını sərt şəkildə tənqid edən Qərbi Avropa dövlətləri nədənsə öz ölkələrində bu tipli aksiyalar zamanı etirazçılara divan tutulması, müvafiq cəza tədbirlərinin görülməsiylə bağlı məsələlər haqqında danışmağa bir o qədər də həvəs göstərmir, susmağa üstünlük verirlər. Ancaq bütün dünya Avropanın demokratik sayılan ölklərində qanundankənar aksiya keçirənlərin sərt şəkildə cəzalandırıldığını görür, onlarla bağlı çəkilmiş çoxsaylı süjetləri daim izləyir, mətbuat materallarını oxuyur.

İtaliyada 10 nəfərdən artıq etirazçının toplaşdığı razılaşdırılmamış yığıncaqlar “xalqın arzuolunmaz toplaşması” hesab olunur, qanunda bu aksiyaların istənilən iştirakçısı üçün bir ilə qədər həbs nəzərdə tutulur. Üzərində silah olan mitinqçilərə verilən cəzaların müddəti isə 6 aydan başlayır.

Mitinqlər iğtişaşa çevriləndə, iştirakçılar "dövlət rəmzlərini təhqir etməyə başlayanda, ölkə rəhbərliyini ələ salanda“, yaxud mitinq „dövlətin nüfuzuna xələl gətirən“ yürüş xarakteri alanda, „ictimai asayişi təhlükəyə məruz qoyanda, yaxud ölkə əhalisinə ziyan vuranda“ polislər üç dəfə xəbərdarlıq etdikdən sonra nümayişçilər dağılışmadıqda güc tətbiq etmək hüququna malikdirlər (18 iyun 1931-ci il tarixli, 773 saylı „Kral Dekretinin“ 20-21-ci maddələri). Bundan başqa, Dekretin 24-cü maddəsinə əsasən, polisin tələbinə tabe olmaq istəməyən şəxslər 1 aydan 1 ilədək azadlıqdan məhrum edilir, yaxud 30 avrodan 413 avroya qədər cərimə ödəyirlər.

Son dəfə Occupy Wall Street beynəlxalq hərəkatının təsiri ilə 2011-ci il oktyabrın 15-də minlərlə italyan gənc hakimiyyətlə razılaşdırılmadığı halda küçələrə axışaraq, kütləvi iğtişaşlar törətmiş, təxribatçı „blek-blokerlərin“ təhriki ilə kopüşonlar və ağ maskalar altında gizlənərək hüquq-mühafizə orqanları ilə sərt toqquşmalara girmişdilər.

O zaman aksiyanın üç iştirakçısı uzunmüddətli həbs cəzası almışdı. Bu hadisədən sonra italyan gəncləri öz şəxsi mənfəətlərini güdən radikalların günahı ucbatından cəza çəkmək istəməyərək, razılaşdırılmamış mitinqlərə həvəs göstərmir, etiraz xaririnə etiraz etmək istəmirlər.

Hətta ABŞ prezidenti Donald Trampın bu yaxınlarda İtaliyaya etdiyi səfər belə, gənc italyanları spontan etiraz aksiyaları keçirməyə ilhamlandırmadı. Çünki hakimiyyət okeanın o tayından gəlmiş qonağın səfəri ərəfəsində bütün mitinq və nümayişləri rəsmi olaraq qadağan etdi.

Böyük ənənələrə malik, gənclərin çoxluq təşkil etdiyi və ilbəil artdığı çoxsaylı mitinq və nümayişlər Fransada da konstitusiyada təsbit olunan qaydalara uyğun olaraq, sərt qanunlara tabe etdirilib.

1935-ci ildə qəbul olunmuş qanun dəfələrlə dəyişdirilib və ona əlavələr olunub. Qanunda aydın şəkildə yazılır ki, aksiyalar heç bir istisna olmadan polis prefekturasının razılığı əsasında keçirilməli, iştirakçıların sayı, məqsədlər, mitinqin yeri, başlama və bitmə saatı dəqiq göstərilməlidir.

Məlumatlar yanlış olacağı təqdirdə, təşkilatçılar Cinayət Məcəlləsinin 431-9 maddəsinə əsasən məhkəmə məsuliyyətinə cəlb olunurlar. Günahlar sübuta yetirildiyi halda, 7500 avro məbləğində cərimə, eyni zamanda 6 ayadək həbs cəzası nəzərdə tutulur.

Deputatlar da öz seçiciləri ilə görüş barədə məlumat verməlidirlər.

Adətən aksiyanın keçirilmə yeriylə bağlı müşahidə olunan qanunların pozulmasına görə ciddi cəzalar verilir. Keçən ay əsasən solçulardan və anarxistlərdən ibarət və hər cür hakimiyyəti rədd edən bir neçə yüz nümayişçi şəhərin mərkəzinə toplaşaraq, qanunsuz olaraq Bastiliya meydanına doğru hərəkət edəndə, polis onları dərhal dayandırdı, aksiyaçıların nazıyla qətiyyən oynamadan gözyaşardıcı qazdan və dəyənəklərdən istifadə etdi. Onlarla adam həbs olundu və çoxunun işi məhkəmələrə göndərildi.

Onları nə gözləyir? Yəqin heç kəs qanun pozucularının nazı ilə oynamayacaq. Saxlananlar arasında olan 22 yaşlı gənc oğlan öz tükənməz aqressiv enerjisini polisə müqavimətə sərf etdiyi üçün, qolları burularaq məhkəmə qarşısına çıxarıldı və 6 ay azadlıqdan məhrum edildi.

Razılaşdırılmamış küçə yürüşlərinə görə iştirakçılara tətbiq olunan sanksiyalar daha sərtdir. Əgər iştirakçılar iki dəfə xəbərdarlıq edildikdən sonra tabe olmazlarsa, polisin onlara güc tətbiq etmək hüququ var və saxlanılanlar 15 min avroya qədər cərimə oluna bilərlər. Yürüşçülərdə silah qismində əşyalar aşkarlanacağı halda cərimələr və cəzalar beş dəfə artırıla bilər.

Finlandiyada mitinqlər çox nadir hallarda keçirilir, razılaşdırılmamış aksiyalara isə, demək olar ki, rast gəlinmir. Əhali öz rəyini sivil formada, kütləvi aksiyalar haqqında qanuna müvafiq olaraq ifadə etməyə alışıb. Fin qanununda yazılır ki, hakimiyyətlə razılaşdırılmamış yığıncaqlara görə 3 min avrodan 15 avroya qədər cərimə, bir neçə sutkadan 3 ilədək həbs cəzası nəzərdə tutulur.

İsveçdə razılaşdırılmamış mitinqlərin iştirakçıları daha sərt cəzalandırılır. İsveç qanunvericiliyinə görə təşkilatçıları 4 ilədək həbs gözləyir. İstənilən etiraz aksiyasında üzünü maska ilə gizlədənlər isə 6 ay azadlıqdan məhrum edilir.

Təqdim etdiyimiz amansızlıqlar Avropa ölkələrində keçirilən aksiyalar zamanı görüntülənib:

Amansız polis: bəzi ölkələrdə etirazçılarla daha sərt davranırlar
Amansız polis: bəzi ölkələrdə etirazçılarla daha sərt davranırlar
Amansız polis: bəzi ölkələrdə etirazçılarla daha sərt davranırlarAmansız polis: bəzi ölkələrdə etirazçılarla daha sərt davranırlar
Amansız polis: bəzi ölkələrdə etirazçılarla daha sərt davranırlar
Amansız polis: bəzi ölkələrdə etirazçılarla daha sərt davranırlar
Amansız polis: bəzi ölkələrdə etirazçılarla daha sərt davranırlar
Amansız polis: bəzi ölkələrdə etirazçılarla daha sərt davranırlar
Amansız polis: bəzi ölkələrdə etirazçılarla daha sərt davranırlar
Amansız polis: bəzi ölkələrdə etirazçılarla daha sərt davranırlarскачать dle 10.5фильмы бесплатно




Bölməyə aid digər xəbərlər
{sape_links}{sape_article}