10:24 / 06-04-2020
Keçmiş deputat vəfat edib
Alimlər koronavirusu təcrid etməyi bacardı - Peyvənd istehsalına başlayacaqlar
Tarix: 14-03-2020 11:09 | Bölmə: Slayd
Alimlər koronavirusu təcrid etməyi bacardı - Peyvənd istehsalına başlayacaqlar

Koronavirus epidemiyası davam etdiyi ərəfədə Kanada alimləri buna qarşı peyvənd əldə etmək üçün kritik bir addım atıblar. Üç fərqli universitetin alimi koronavirusu uğurlu şəkildə təcrid etdiklərini və virusun nüsxələrini hazırladıqlarını bildiriblər. Bununla da dünya elmi virusa qarşı peyvənd əldə etməyə yaxınlaşıb.

Reyting.az
xəbər verir ki, Kanadanın Baş naziri Castin Trüdonun xanımında da təsbit olunan virusla bağlı araşdırma aparan elm adamları virusu uğurlu formada təcrid edə biliblər.

Qeyd edək ki, Kanada da bu uğura Sunnybrook Araşdırma İnstitutu, Toronto Universiteti və McMaster Universitetinin mütəxəssisləri imza atıblar.

Məlumata görə, iki kanadalı xəstə üzərində əldə edilən nümunələrlə işləyən alimlər virusu laboratoriya şəraitində təkrar yaradıblar.

Verilən açıqlamada “Laboratoriyada hazırlanan virus nümunələri alimlərin insanların xəstəliyini daha yaxşı tanımaq, test etmək, müalicə etmək və peyvənd istehsalına çatmaq üçün bir fürsət olub”,- ifadələri yer alır.

Araşdırmada iştirak edən doktor Arinjay Banerjee deyib ki, araşdırmalar davam etdiriləcək: “Daha çox virus nümunələri yaradaraq xəstəliyin biologiyasını daha geniş şəkildə öyrənə və interaktiv şəkildə işləyə bilərik”.

Digər alim Samira Mübareka isə bildirib ki, bu epidemiyanın dərmanını tapmaq üçün informasiyalara ehtiyacları var: “Bu virus üzərindəki araşdırmalarımızın işığında uzun vədəli bir çözüm tapacağıq”.

Onu da qeyd edək ki, epidemiyanın episentri olan Çində də ciddi elmi araşdırmaların aparıldığı bildirilir. Çinin 8 universitetinin koronavirusla mübarizə məqsədilə araşdırmalar apardığı, aprel ayında isə peyvənd əldə etmək üçün araşdırmalara start veriləcəyi qeyd edilir.

Çinlə yanaşı Belçikanın Gent Universitetinin Flamand Biotexnoligiya İnstitutunun alimləri də koronavirusa qarşı vaksinin hazırlanmasında əhəmiyyətli yol qət ediblər.

Professor Xavyer Salens laboratoriya şəraitində COVID-19-u zərərsizləşdirdiklərini bildirib.

Xavyer Salens və Gent Universitetinin Tibbi Biotexnologiya Mərkəzinin araşdırma qrupu potensial COVID-19 virusunun müalicəsi sahəsində inqilabi bir iş həyata keçiriblər.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}