10:24 / 06-04-2020
Keçmiş deputat vəfat edib
Deputat hökumətə təkliflər verib - Sahibkarlara güzəşt tətbiq olunacaq
Tarix: 18-03-2020 10:58 | Bölmə: Slayd
Deputat hökumətə təkliflər verib - Sahibkarlara güzəşt tətbiq olunacaq

Nazirlər Kabineti koronavirusun ölkə iqtisadiyyatına təsirlərini minimuma endirmək üçün sahibkarlara dəstək təklifləri hazırlayıb.

Reyting.az
-ın məlumatına görə, Milli Məclisin deputatı, iqtisadçı-alim Vüqar Bayramov da koronavirus səbəbindən məhdudlaşdırıcı tədbirlərin sahibkarlara, eləcə də vətəndaşlara iqtisadi təsirlərini azaltmaq üçün bəzi təkliflərlə çıxış edib.

V. Bayramov aşağıdakı təklifləri irəli sürüb:

1. Həm sahibkarlar, həm də vətəndaşlar üçün kredit ödənişlərində güzəştin verilməsi məqsədəuyğundur. Doğrudur, 2 bank istisna olmaqla, digər banklar özəl qurumlardır. Amma Mərkəzi Bank tərəfindən banklara belə tövsiyə xarakterli müraciət edilə bilər. Bizə olan müraciətlərdə də bəzi vətəndaşlarımız koronavirus səbəbindən gəlirinin azaldığını və kredit ödəməkdə çətinlik çəkdiyini bildirirlər. Məsələn, Almaniyadan avtomobil idxalı ilə gəlir əldə edən vətəndaşımız artıq maşın satışı ilə məşğul ola bilmir, amma onun ipoteka kredit borcu var. Və borcunu ödəməkdə çətinlik çəkir. Bu baxımdan, kommersiya bankları tərəfindən növbəti 3 ay müddətində kredit ödənişlərində zaman güzəştinin verilməsi və yubanmalara görə cərimə və peniyaların hesablanmasının dayandırılması məqsədəuyğundur. Koronavirus ilə qlobal mübarizənin nəticəsindən asılı olaraq bu müddətə yenidən baxıla bilər.

2. Koronavirus onlayn ticarətin inkişafını daha da aktuallaşdırıb. Sosial təcrid tədbirlərinin həyata keçirildiyini nəzərə alsaq, onlayn ticarətin təşviq edilməsi üçün güzəştlərin tətbiq olunması məqsədəuyğundur.

ABŞ da daxil olmaqla bir sıra inkişaf etmiş ölkələrdə onlayn ticarət satış vergisindən azaddır. Oxşar praktikanın bizdə də tətbiq olunması məqsədəuyğun olardı.

3. Sahibkarların, xüsusən də rayonlarda çalışan iş adamlarının güzəştli kreditlərə çıxış imkanlarının artırılmasına ehtiyac var. Xüsusən rayonlarda çalışan sahibkarların girov təklif edərək güzəştli kreditdən yararlanmaqda çətinlikləri var. Bankların girov üçün paytaxtdan əmlak tələb etmələri onlara bir sıra hallarda bu imkandan faydalanmaqda çətinliklər yaradır. Bu baxımdan girov mexanizminin təkmilləşdirilməsinə və xüsusən də rayonlarda yaşayan sahibkarlarımız üçün daha güzəştli sistemin formalaşdırılmasına ehtiyac var.
скачать dle 10.5фильмы бесплатно




Bölməyə aid digər xəbərlər
{sape_links}{sape_article}