17:38 / 28-03-2024
Əməkdar artist vəfat edib
ABŞ Çin iqtisadiyyatına 35 milyard dollar zərər vurub - İki ölkə arasında gərginlik artır
Tarix: 18-05-2020 13:38 | Bölmə: Slayd
ABŞ Çin iqtisadiyyatına 35 milyard dollar zərər vurub - İki ölkə arasında gərginlik artır

ABŞ və Çin istehlakçıları arasında qarşılıqlı etimad azalıb, iki ölkə arasında baş verən ticarət müharibəsi pandemiya səbəbindən bir qədər də güclənib.

Reyting.az
xəbər verir ki, Alman Deutsche Bankın araşdırmasına görə, amerikalıların 41 faizi Çində istehsal olunan malları, Çin vətəndaşlarının isə 35 faizi ABŞ istehsalı olan malları boykot etmək fikrindədir.

İki ölkə vətəndaşları arasında gərginlik koronavirusla bağlı qarşılıqlı ittihamlardan qaynaqlandığı kimi görünsə də, əslində bu, daha çox iki ölkə arasında gedən ticarət müharibəsinin nəticələrindən biridir.

Deutsche Bankın platforması olan dbDig-in keçirdiyi anket sorğular göstərir ki, xarici istehsalçılara etimad azalır, eyni zamanda hər iki ölkədə istehsalçıların əksəriyyəti qarşılıqlı mübadilənin dayandırılmasına hazır deyil.

Çinin istehlakçı etibarsızlığının əsas səbəbi iki ölkə arasında 18 aylıq ticarət müharibəsinin təsirlənməsidir. ABŞ idxal mallarına milyardlarla dollar gömrük rüsumları tətbiq edir.

Qeyd edək ki, yanvar ayında ABŞ ilə Çin arasında ticarət anlaşması imzalansa da, “Cənub Çin Sabah” qəzeti bəyan edir ki, ticarət müharibəsi hələ bitməyib. Əlavə olunur ki, ABŞ Çinlə bağlı tətbiq etdiyi taariflərin hamısını ləğv etməyib və bu səpkili tədbirlər davam etdirilir.

Hər iki ölkənin razılaşmanı konkretləşdirmədiyi və bir-birinə qarşı açıq mövqedə olduqları diqqətə alındıqda koronavirus pandemiyası sonrasında yaranan inamsızlıq istehlakçı davranışında “sunami” təsiri yarada bilər.

Onu da qeyd edək ki, ABŞ-ın Çin məhsullarına yüz milyardlarla dollar vergi taarifləri hələ də müzakirə mövzusudur. ABŞ prezidenti Donald Tramp Çini yeni vergi tətbiqi ilə təhdid edir. Hətta pandemiyanın yayılmasına imkan verdiyi iddiası ilə Çini cəzalandırmağın bir yolunun “əldə edilən bütün ticarət razılaşmalarının ləğvi” də görür.

Çin rəsmiləri və dövlətə aid media isə ABŞ-ı pandemiyadan sui-istifadədə ittiham edir.

BMT-nin 2019-cu ilin oktyabr hesabatına görə, ticarət müharibəsi nəticəsində Çin iqtisadiyyatına 35 milyard dollar zərər dəyib.

Reyting.az




Bölməyə aid digər xəbərlər
{sape_links}{sape_article}