Deputat Rusiya ilə bağlı bədbin proqnozlar verdi - Foto
Tarix: 05-06-2020 17:16 | Bölmə: Slayd
Deputat Rusiya ilə bağlı bədbin proqnozlar verdi

“Rusiya dünya gücü olduğunu sübuta yetirməyə, bunu nümayiş etdirməyə can atsa da, iqtisadiyyatı bu istəyini reallaşdırmağa imkan vermir”.

Bunu Reyting.az-a açıqlamasında Milli Məclisin üzvü, politoloq Razi Nurullayev Rusiyanın dünya gücləri sırasında potensialını qiymətləndirərkən deyib.

Onun sözlərinə görə, Rusiya konkret olaraq neft və qazdan çox asılıdır.

R. Nurullayev qeyd edib ki, üstəlik, Rusiyanın infrastrukturu da bərbad vəziyyətdədir: “İndiki reallıq deməyə əsas verir ki, Rusiyanın dünya gücləri sırasında yerini saxlamasına səbəb onun hərbi gücüdür. Yəni hərbi sahədə olan üstünlüyü Rusiyanın dünya dövlətlərinin ön yerlərində dayanmasına gətirib çıxarır. Amma iqtisadi güc olmadan hərbi güc bir ölkənin uzun müddət söz sahibi olmasına imkan vermir. Biz bunu Şimali Koreya Xalq Respublikasının timsalında da gördük”.

Deputat Rusiya ilə bağlı bədbin proqnozlar verdi
R. Nurullayev

R. Nurullayevin fikrincə, Rusiyanın dünyaya diktə etməsi üçün lazımi potenasialı yoxdur: “Sözsüz ki, Rusiya bizim qonşumuzdur və mən onun tam demokratik, dünya dəyərlərinə söykənən dövlətə çevrilməsini arzulayıram. Mən Rusiya dövlətinin zəifləməsində maraqlı deyiləm. Bizim Rusiya ilə geniş ticarət əlaqələrimiz var. Sadəcə, Rusiyanın imperiya dövründən qalan liderlik təfəkkürü dünya ölkələrini qıcıqlandırır və bəzi ölkələr onu zəiflətməyə çalışırlar. Bu mənada yəqin ki, güclü ölkələr Rusiyanın inkişaf etməsinə imkan verməyəcəklər”.

Politloq deyib ki, post-Putin dövrünün necə baş verəcəyi də hələlik bəlli deyil:

“Rusiya bəzi təlatümləri içində saxlayıb və onları yaşamayıb. Ola bilsin ki, Rusiyada yeni təlatümlər olsun, insanların azadlıq hissləri yenidən baş qaldırsın, siyasi didişmələr başlasın və s. Çünki Rusiyada Qərb dəyərlərinin daşıyıcıları ilə yanaşı prosesi “dəmir əl”lə istiqamətləndirmək istəyən Putin kimi liderlər də var. Həmçinin Rusiyanı parçalamaq, daxildə etnik qarşıdurmalar salmaqla zəiflətmək istəyən xarici güclər də mövcuddur. Bu mənada yaxın gələcəkdə Rusiyanın böyük perspektivinin olacağını düşünmək bəlkə də səhvdir”.

R. Nurullayev sonda qeyd edib ki, bizim üçün ən maraqlısı Azərbaycan-Rusiya münasibətlərinin inkişafı və bunun xalqların rifahına müsbət təsiridir.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}