ABŞ banklara da sanksiya tətbiq edəcək
Tarix: 02-07-2020 13:49 | Bölmə: Slayd
ABŞ banklara da sanksiya tətbiq edəcək

ABŞ Konqresinin Nümayəndələr Məclisi Honkonq Muxtar Bölgəsi ilə bağlı məsələdə (təhlükəsizlik qanununa görə) Çin rəsmiləri ilə əməkdaşlıq edən banklara sanksiyanı nəzərdə tutan qanun layihəsini qəbul edib.

Reyting.az
xəbər verir ki, demokrat konqresmen Brad Şermanın hazırladığı qanun layihəsini həm demokrat, həm də respublikaçı konqresmenlər dəstəkləyiblər.

Çin hakimiyyətinin Honkonq Muxtar Bölgəsini nəzarət altına alma cəhdinə sərt təpkiləri nəzərdə tutan sənəddə bu siyasətdə rolu olan çinli siyasətçilərlə əməkdaşlıq edən bütün banklara sanksiya tətbiqi nəzərdə tutulur.

“Heç kimsə etiraz etdiyi üçün ömür boyu həbsə məhkum edilməməlidir. Bu saat honkonqlular təhlükəsizlik narahatlığı səbəbindən başqa ölkələrə qaçmağa çalışır və biz də onların bu haqlı cəhdlərinə dəstək verməliyik. Çin hakimiyyətinə Honkonq həmləsi səbəbindən bədəl ödətmək məcburiyyətindəyik”, - konqresmen B. Şerman “Tvitter” hesabında bəyan edib.

Qeyd edək ki, Şermanın hazırladığı və Nümayəndələr Palatasından keçən qanun layihəsi Senatda səsverməyə çıxarılacaq. Qanun layihəsi Senatda təsdiq edildikdən sonra ABŞ prezidenti Donald Tramp tərəfindən imzalanmalı və bununla da qanunun tətbiqinə başlanmalıdır.

Xatırladaq ki, ötən həftə ABŞ dövlət katibi Mayk Pompeo Çin Kommunist Partiyası rəhbərliyinin Honkonq administrasiyasına “nəzarət” qərarı alaraq bu bölgənin muxtar statusunu pozduğunu elan edib.

Dövlət katibi əlavə edib ki, Honkonqun muxtar statusuna zərər verən və insan haqlarını pozan Çin Kommunist Partiyasının bəzi rəsmləri və ailələrinə viza sanksiyası tətbiq olunur.

Çin parlamenti Honkonq Muxtar Bölgəsinə tətbiq ediləcək milli təhlükəsizlik qanununu mayın 28-də qəbul edib. Qanun Çin mərkəzi hökumətini yıxmaq, üsyana təşviq etmək, vətənə xəyanət, terrorla mübarizə, milli təhlükəsizliyə artan təhlükə halları və tədbirləri qadağan etməyi nəzərdə tutur.

Siyasi analitiklər isə qeyd edirlər ki, Honkonq müxalifəti və Qərb ölkələrinin qarşı çıxdığı bu qanun bölgədə Çin mərkəzi hakimiyyətinin nüfuzunu artıracaq.

Reyting.azскачать dle 10.5фильмы бесплатно




Bölməyə aid digər xəbərlər
bütün xəbərlər
{sape_links}{sape_article}