Azərbaycanın hüquq müdafiəçiləri dünyaya müraciət etdi
Tarix: 16-07-2020 18:48 | Bölmə: Slayd
Azərbaycanın hüquq müdafiəçiləri dünyaya müraciət etdi

“2020-ci il iyul ayının 12-də Azərbaycan- Ermənistan sərhədində yerləşən Tovuz rayonunun Ağdam kəndindəki sərhəd-nəzarət məntəqəsi qəflətən Ermənistan silahlı qüvvələrinin güclü artilleriya atəşinə tutulub və Azərbaycan növbəti dəfə Ermənistanın təcavüzünə məruz qalıb. Ermənistan yenə də gücdən istifadə edərək Azərbaycanın ərazilərini işğal etmək və bölgədə müharibəni yenidən alovlandırmaq niyyətindədir. Belə ki, işğalçı ölkə 5 gündür Azərbaycana qarşı müxtəlif artilleriya qurğularından və iri çaplı silahlardan istifadə edərək hücumlarını davam etdirir”.

Reyting.az
xəbər verir ki, belə bir müraciəti Azərbaycanın hüquq müdafiəçiləri BMT-nin Baş katibi Antoniu Quterreşə, BMT-nin Təhlükəsizlik Şurasına, ATƏT-in fəaliyyətdə olan sədri Edi Rama, Avropa İttifaqının Prezidenti Şarl Mişelə, Avropa Şurasının Baş katibi Mariya Peyçinoviç-Buriçə, ATƏT-in Minsk Qrupunun həmsədr ölkələrinin başçıları - ABŞ Prezidenti Donald Trampa, Rusiya Federasiyasının Prezidenti Vladimir Putinə, Fransa Respublikasının Prezidenti Emanuel Makrona və “Beynəlxalq Amnistiya” Təşkilatına edib.

Müraciətdə bildirilir ki, düşmənin hücumunu dəf edən zaman Azərbaycan tərəfindən 11 hərbi qulluqçu, o cümlədən general-mayor Polad Həşimov şəhid olub:

“Təəssüflər olsun ki, uzun müddət həll olunmayan Ermənistan-Azərbaycan Dağlıq Qarabağ münaqişəsi indi də Azərbaycan-Ermənistan sərhəddi boyu işğalçı ölkənin hərbi təxribat ilə müşahidə olunur.

Ermənistan beynəlxalq hüquq normalarını kobudcasına pozaraq hazırda münaqişə zonası sayılan Dağlıq Qarabağ ərazisinə aid olmayan Azərbaycanın Tovuz bölgəsində hərbi əməliyyatlara start verib. 30 ildən çoxdur ki, Ermənistan Azərbaycanın 20 faiz ərazisini zəbt edərək, dinc əhalini etnik təmizləməyə məruz qoyub, beynəlxalq təşkilatların qətnamələrinə, tələblərə riayət etməyərək öz çirkin niyyətlərini artıq ölkəmizin digər bölgələrində də həyata keçirmək üçün planlar qurur. Etiraf edək ki, ATƏT-in Minsk Qrupunun həmsədrlik institutu Dağlıq Qarabağ münaqişəsinin həllində illərlə tutduğu “yumşaq” mövqe Ermənistanın daha da azğınlaşmasına, BMT Təhlükəsizlik Şurasının Azərbaycanın zəbt olunmuş ərazilərinin qeyri-şərtsiz azad edilməsinə yönəlmiş 822, 853, 874 və 884 saylı qətnamələrin yerinə yetirilməməsinə rəvac verir. Azərbaycan dövləti özünün Ermənistanla dövlət sərhədində hər hansı təxribatın baş verməsində maraqlı olmadığı tam aydındır. Dövlət sərhədinin mühafizəsini Dövlət Sərhəd Xidmətinə həvalə edilməsi də məhz dövlətin həmin ərazilərdə atəşkəsin pozulmasında maraqlı olmadığına daha bir sübutdur”.

Müraciətdə qeyd olunur ki, Azərbaycanın sərhəd-nəzarət məntəqələrinə edilən total hücum ilə yanaşı Tovuz rayonunun bir necə kəndləri, dinc əhalinin sıx yaşayış məntəqələri atəşə məruz qalıb: “Ağdam kəndinin sakini 76 yaşlı Əzizov Əziz İzzət oğlu yaşadığı evin kəndarında qətlə yetirilib. Bununla yanaşı Ağdam kəndi və atəş altında olan daha 3 kəndin sakinlərinin mülkləri dağıdılıb, əmlaklarına ciddi ziyan dəyib. Erməni tərəfi bununla mülki əhalınin müdafiəsinə yönəlmiş beynəlxalq Konvensiyaları kobud şəkildə pozaraq bir daha öz işğalçı mahiyyətini büruzə verir.

Ermənistan tərəfindən həyata keçirilən son silahlı təxribat sərhəd boyu dinc yaşayan insanların mülklərinə zərər verməklə yanaşı onların həyatını itirməsinə səbəb olub. Dünyanın ağır koronovirus pandemiyası ilə üz-üzə qaldığı, insanların sağlamlığı naminə var gücü ilə mübarizə aparıldığı bir vaxtda, xüsusilə BMT Baş katibi cənab Quttereşin “qlobal atəşkəs çağırışına” məhəl qoymayaraq Ermənistanın hərbi əməliyyatları qızışdırması və Azərbaycana qarşı təcavüzü qətiyyən yolverilməzdir.

Biz, Azərbaycanın bir qrup hüquqmüdafiəçiləri sizə müraciət edərək Ermənistanın törətdiyi hərbi təxribata adekvat qiymət verməyə çağırır, nüfuzunuzdan və sizə verilən mandatdan istifadə edərək işğalçı Ermənistanın Azərbaycana qarşı başladığı hərbi təcavüzə görə cəzalanması üçün beynəlxalq hüquq normaları çərçivəsində təsirli tədbirlər görməyinizi xahiş edirik”.

Qeyd edək ki, müraciət hüquq müdafiəçiləri Novella Cəfəroğlu, Səidə Qocamanlı, Əvəz Həsənov, Səadət Bənənyarlı, Arzu Abdullayeva, Eldar Zeynalov, Zəlihə Tahirova və Mirvari Qəhrəmanlı imzalayıblar.

Reyting.az
скачать dle 10.5фильмы бесплатно




Bölməyə aid digər xəbərlər
bütün xəbərlər
{sape_links}{sape_article}