ABŞ qoşunları Rusiya sərhədlərinə doğru irəliləyir - Foto
Tarix: 09-08-2020 09:21 | Bölmə: Slayd
ABŞ qoşunları Rusiya sərhədlərinə doğru irəliləyir

ABŞ Rusiya sərhədlərində hərbi mövcudluğunu artırmaq üçün Avropadakı qoşunlarını yenidən birləşdirir. Reyting.az xəbər verir ki, bunu Fox News-a açıqlamasında ABŞ-ın Müdafiə naziri Mark Esper deyib.

Pentaqon rəhbəri bildirib ki, ABŞ prezidenti Donald Trampın iyunun əvvəlində bununla bağlı verdiyi qərar davam edən prosesi sürətləndirib.

Onun sözlərinə görə, söhbət Rusiyanın mühasirəsini və Şimali Atlantika İttifaqını gücləndirməkdən gedir. Bu səbəbdən də Rusiya sərhəddinə qoşun yeridilir.

M. Esper diqqətə çatdırıb ki, ABŞ-ın NATO-dakı digər əsas müttəfiqlərinin nümayəndələri Trampın qərarını müsbət qarşılayıblar. Esper, ABŞ-ın Almaniyada kifayət qədər böyük bir kontingentinin olduğunu da bildirib.

ABŞ qoşunları Rusiya sərhədlərinə doğru irəliləyir
M. Esper

Müdafiə naziri, Vaşinqtonun NATO-ya üzv olan bütün ölkələrdən müdafiə xərclərini ən qısa müddətdə ÜDM-in 2 faizinə çatdırması tələbini də xatırladıb:

"Mən açıq və fərdi şəkildə dedim ki, hər kəs minimum 2 faiz ödəməlidir. Almaniya kimi ölkələr daha çox pul ödəməlidirlər. Burada söhbət Rusiyaya və digərlərinə qarşı durmaqdan, kollektiv təhlükəsizlik və məsuliyyətdən gedir. Əgər həqiqətən də ruslarla qarşı-qarşıya olmaq niyyətindəyiksə, o zaman öhdəliklərimizi yerinə yetirməliyik".

M. Esper bildirib ki, Vaşinqton, İttifaqın şərq cəbhəsində daha da güclənmək niyyətindədir. Onun sözlərinə görə, 11,900 Amerika əsgərinin Almaniyadan çıxarılması və bir hissəsinin İtaliya və Belçikaya köçürülməsi qərarı alyansın döyüş qabiliyyətini artırmaq üçündür.

Daha əvvəl Rusiya Federasiyası Prezidentinin mətbuat katibi Dmitri Peskov məsələni şərh edərkən bildirib ki, NATO-nun hərbi infrastrukturunun ölkə sərhədlərinə "ardıcıl sürüşməsi" Moskvanı Rusiyanın təhlükəsizliyinə zəmanət vermək üçün lazımi tədbirlər görməyə məcbur edir.

Reyting.az




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}