20:39 / 25-11-2020
Maradona vəfat edib
Avropa Birliyi Qarabağdakı separatçı rejimə yardım ayırıb
Tarix: 31-10-2020 16:08 | Bölmə: Slayd
Avropa Birliyi Qarabağdakı separatçı rejimə yardım ayırıb

Avropa Birliyi Dağlıq Qarabağ əhalisini dəstəkləmək məqsədilə 400 min avro humanitar yardım ayırıb.

Reyting.az
xəbər verir ki, bunu Avropa Birliyinin böhranların idarə edilməsi üzrə komissarı Janez Lenarkik verib.

“Dağlıq Qarabağdakı münaqişədən təsirlənən mülki əhalinin ən aktual ehtiyaclarını ödəmək üçün 400 min avro humanitar yardım ayırdıq”,- deyə komissar bildirib.

Beynəlxalq hüququ bir kənara atan komissar çoxsaylı insanın həyatına son qoyan hərbi əməliyyatların dayandırılmasına çağırış edib.

Erməni mətbuatı isə Avropa Birliyinin humanitar dəstəyinin 900 min avroya çatdığını yazır və xatırladır ki, oktyabr ayının əvvəllərində də Avropa Birliyi 500 min avro mələğində köməklik göstərib.

Ancaq hansısa səbəbdən, hərbi əməliyyatlar zonasından kənarda yerləşən Azərbaycanın mülki şəhərləri - Gəncə, Mingəçevir, Bərdə, Ağcabədi, eləcədə cəbhə rayonu sayılan Tərtərin bombalanması komissarı narahat etməyib. Ermənistanın hərbi-siyasi rəhbərliyinin cinayətləri nəticəsində adıçəkilən şəhərlərdə ölən və yaralanan Azərbaycan vətəndaşlarına Avropa Birliyi nə maliyyə yardımı göstərib, nə də beynəlxalq qanunlara əsaslanıb işğala məruz qalmış ölkəyə hüquqi-siyasi dəstəyini ifadə edib.

Reyting.az




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}