Təmas xəttində təxribatlar ola bilər - Ekspert xəbərdarlıq edir
Tarix: 25-11-2020 17:45 | Bölmə: Slayd
Təmas xəttində təxribatlar ola bilər - Ekspert xəbərdarlıq edir

“İstisna etmirəm ki, təmas xəttində ara-sıra hansısa insidentlər baş verir, sadəcə, bu məlumatlar mətbuata çıxmır. Yəni kiçik insidentlər olsa da, atışma yoxdur. Amma bildiyiniz kimi, ötən gün bir insident zamanı rus sülhməramlısı yaralanıb, Azərbaycan Ordusunun polkovniki isə şəhid olub. Səhv etmirəmsə, onlar minaya düşüblər. Deməli, belə insidentlər ola bilər. Hətta daha böyük insidentlərin baş verməsi mümkündür”.

Bu fikirləri Reyting.az-a hərbi ekspert Azad İsazadə rus sülhməramlılarının Dağlıq Qarabağdakı təmas xəttində tam yerləşdikdən sonra təxribatlar və hərbi qarşıdurmaların mümkünlüyü barədə danışarkən deyib.


A. İsazadə

A. İsazadə hesab edir ki, Azərbaycan Ordusu gözdə-qulaqda olmalıdır. Onun fikrincə, hər an hansısa təxribat ola bilər:

“Nəzərə almaq lazımdır ki, sülhməramlılar bütövlükdə təmas xəttinə nəzarət etmir. Onlar sadəcə, nəzarət məntəqələrini qurublar. Bu nəzarət məntəqələri arasında boş məsafələr qalır. Diqqət etdinizsə, Türkiyə tərəfi ötən gün təklif etdi ki, sülhməramlı nəzarət məntəqələri arasında türk əsgərləri patrul xidməti həyata keçirsin. Yəni təmas xəttinə nəzarəti yerinə yetirsin. Ola bilsin ki, indi bu barədə danışıqlar gedir”.

Ekspert bildirib ki, hələlik biz sülhməramlı nəzarət məntəqələri arasındakı məsafənin nə qədər olduğunu bilmirik: “Qarşıda da boşluqdur. İstisna etmirəm ki, o tərəfdə də erməni ordusu səngərdə oturub. Demirəm indi - çünki indi təxribat etsələr bizim ordu hücuma keçərək vəziyyəti nəzarəti altına ala bilər. Amma onlar özlərinə gəldikdən və nisbətən gücləndikdən sonra çalışacaqlar ki, təxribatlar törətsinlər. Biz buna hazır olmalıyıq”.

Reyting.az




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}