Vahid Əhmədov: “2021-ci ildə devalvasiya gözlənilmir”
Tarix: 12-01-2021 16:19 | Bölmə: Slayd
Vahid Əhmədov: “2021-ci ildə devalvasiya gözlənilmir”

“Dünyada iqtisadi böhran müşahidə olunur. Azərbaycan da dünyanın bir hissəsidir. Bəzən devalvasiyanın olacağı haqda fikirlər səslənir. 2021-ci ilin dövlət büdcəsi müzakirə edilən zaman Mərkəzi Bankın İdarə Heyətinin sədri məlumat verdi, hökumətin iqtisadi-maliyyə blokunun mövqeyindən məlum oldu ki, devalvasiya ehtimalı yoxdur”.

Bu fikirləri Reyting.az-ın “Devalvasiya riski realdırmı” sualına cavabında Milli Məclisin deputatı, iqtisadçı Vahid Əhmədov deyib.

V. Əhmədov bildirib ki, 2021-ci ildə Azərbaycanda devalvasiya gözlənilmir: “Bunun real səbəbləri mövcuddur. Əvvəla, bizim çox böyük layihələrimiz var. İşğaldan azad olunan Qarabağda çox böyük tikinti, infrastruktur işləri aparılacaq. Bu iş üçün yalnız dövlət büdcəsindən 2 milyard 200 milyon manat vəsait ayrılıb. Nəzərə almaq lazımdır ki, orada fiziki, hüquqi şəxslər, eləcədə özəl şirkətlər də öz xətti ilə işlər görəcəklər. Üstəlik, bu gün Azərbaycanda devalvasiya riskinin olmamasının bir səbəbi də dünya bazarında neftin qiymətidir. Hazırda dünya bazarlarında neftin qiyməti 55-56 dollardır. Bu, kifayət qədər yüksək qiymət sayıla bilər. Dövlət büdcəmizdə isə neftin bir barrelini cəmi 40 dollardan götürmüşük. Digər tərəfdən, ehtiyatımız da böyükdür. Bu səbəblərdən hesab edirəm ki, 2021-ci ildə devalvasiyaya getməyə ehtiyac yoxdur və bu, arzuolunan deyil. Odur ki, işlərimizi gömək üçün manatın məzənnəsini qoruyub saxlamağa ehtiyac var”.

Reyting.az




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}