Ermənistan Bakıya “İskəndər” atıb - İngilis nəşrinin iddiası
Tarix: 01-03-2021 20:41 | Bölmə: Slayd
Ermənistan Bakıya “İskəndər” atıb - İngilis nəşrinin iddiası

Ermənistan noyabr ayında Dağlıq Qarabağ müharibəsi zamanı Bakıya ən azı bir Rusiya istehsalı olan ortamənzilli "İskəndər" ballistik raketini atıb, ancaq o, Azərbaycan tərəfindən vurulub.

Reyting.az
“MEE”-yə istinadla xəbər verir ki, bu, ötən ilin noyabr ayında, Azərbaycan Ordusu strateji şəhər olan Şuşanı azad etdikdən sonra Rusiya və Türkiyənin vasitəçiliyi ilə atəşkəs razılığına gəldikdən bir qədər əvvəl baş verib

“MEE”-yə danışan anonim məmurun sözlərinə görə, Rusiya işğaldakı əraziləri sürətlə azad edən Azərbaycanı atəşkəsə məcbur etmək üçün Ermənistanı “İskəndər” raketlərindən istifadyə təşviq edib. “İskəndər” ballistik raketi atəşkəsdən bir neçə gün əvvəl Yerevandan birbaşa Bakıya atılıb. Ancaq Azərbaycan Ordusunun İsrail istehsalı olan “Barak-8” raketi hədəfi məhv edib.

“Bu raketlərin sonrakı istifadəsi həqiqətən vəziyyəti gərginləşdirə bilərdi. Bu, Azərbaycan rəhbərliyini atəşkəsə getməyə inandırıb”, - deyə yüksək səviyyəli məmur bildirib.

Müharibədə iştirak edən yüksək səviyyəli bir erməni hərbi məmuru da noyabr ayında jurnalistlərə Yerevandan, həqiqətən, Azərbaycana ortamənzilli raket atıldığını söyləyib.

“Bloomberg”-in bir hesabatına görə, general-polkovnik Movses Hakobyan deyib: "Müharibə zamanı istifadə edilib, amma haradan atıldığını söyləməyəcəyəm".

Rusiya da müharibə zamanı Yerevana “vicdanlarının imkan verdiyi qədər” hərbi təchizat çatdırıb.

Azərbaycanın “İskəndər” kimi raketləri endirmək üçün istifadə oluna bilən “Barak-8” 12 buraxılış qurğusu ilə 75 yer-hava raketləri sistemi var. Sistem 2018-ci ildə alınıb və sınaqdan keçirilib.

9 Noyabrda elan edilmiş atəşkəsdən bir neçə saat əvvəl sosial mediadakı videoda Ermənistanın Azərbaycan ərazisinə bir “İskəndər” raketi atdığı görünür.

Türkiyənin EDAM düşüncə mərkəzinin müdafiə tədqiqatları direktoru Can Kasapoğlu “MEE”-yə verdiyi açıqlamada “İskəndər” sistemlərinin mobil olduğunu və Dağlıq Qarabağdan da Bakını hədəfə ala biləcəyini söyləyib.

"Ermənilərin atəşkəs üçün Azərbaycana təzyiq göstərmək naminə son vasitə olaraq Bakını bir “İskəndər”lə hədəfə almağa çalışması olduqca inandırıcıdır. Ermənistanın müharibəni dayandırmaq məqsədi ilə "İskəndər”dən istifadə etməsi döyüş meydanında Azərbaycanın texnoloji üstünlüyünə məğlubiyyətindən irəli gəlib".

Reyting.az




Bölməyə aid digər xəbərlər
bütün xəbərlər
{sape_links}{sape_article}