18:05 / 21-04-2021
Rusiya ABŞ-a nota verib
Sərdar Cəlaloğlu: “Azərbaycan “İsgəndər M” raketi faktından Rusiyaya qarşı istifadə etməlidir”
Tarix: 07-04-2021 17:46 | Bölmə: Slayd
Sərdar Cəlaloğlu: “Azərbaycan “İsgəndər M” raketi faktından Rusiyaya qarşı istifadə etməlidir”

“Ermənistanın Baş naziri Nikol Paşinyan bir müddət əvvəl açıq şəkildə bildirdi ki, müharibə zamanı Azərbaycana qarşı “İsgəndər” raketi tətbiq ediblər, lakin bu raketlər partlamayıb. Bu açıqlamadan az sonra Azərbaycan prezidenti dedi ki, müharibədə belə model raketlər tətbiq edilməyib. Fikrimcə, o zaman Azərbaycan və Rusiya arasında münasibətlər yaxşı idi. Sonradan ruslar üçtərəfli bəyanatdan sui-istifadə edərək nəzarətimizdən kənarda qalan torpaqlarımızı ələ keçirmək cəhdlərinə başladı. Prezident də gördü ki, ruslar həddini aşır, Azərbaycanın dövlət maraqlarına qarşı gəlir, yeni münaqişə ocağı yaratmaq istəyirlər. Məncə, son həbslər həm də bununla bağlıdır. Yəni Azərbaycan öz mövqeyini ortaya qoyur. Təbii ki, burada Türkiyənin də böyük dəstəyi var”.

Bunu Reyting.az-a açıqlamasında Azərbaycan Demokrat Partiyasının sədri Sərdar Cəlaloğlu deyib.

Partiya sədri qeyd edib ki, müharibə zamanı “İsgəndər M” raketinin tətbiqi böyük cinayətdir. Onun fikrincə, belə bir addım atılıbsa, buna görə cavab vermək lazım gələcək: “Buna görə Rusiya da narahatdır. Deyir ki, istintaq aparır. Azərbaycan da faktiki olaraq bu faktı dövlətlərarası münasibətlər səviyyəsinə qaldırıb. Çünki bu raket dinc vətəndaşlara qarşı istifadəsi qadağan olunan silahlar kateqoriyasına aiddir. Bunun da Rusiya üçün ciddi nəticələri ola bilər”.

Sərdar Cəlaloğlu ehtimal edir ki, Azərbaycan tərəfi “İsgəndər M” raketi faktından istifadə edəcək: “Etməsi də lazımdır. Çünki Qarabağda təxribatçı fəaliyyətə üstünlük verənlər anlamalıdırlar ki, bu cür davam edə bilməz”.

Reyting.az




Bölməyə aid digər xəbərlər
bütün xəbərlər
{sape_links}{sape_article}