500 minlik ordu döyüş vəziyyətinə gətirilib - Fotolar
Tarix: 15-04-2021 12:44 | Bölmə: Slayd
500 minlik ordu döyüş vəziyyətinə gətirilib

ABŞ-ın Qara dənizə hərbi gəmilər göndərməkdən imtina etməsinə paralel olaraq “Röyter” və AP informasiya agentliyi dünyanı heyrətə gətirəcək fotolar paylaşıb. Bununla bəlli olur ki, Rusiya ordusu yarım milyon əsgəri hərəkətə gətirməklə son 50 ilin ən böyük hərbi əməliyyatına hazırlıq görür.

Reyting.az
bildirir ki, Rusiyanın ordu telekanalı “Zvezda” Qara dənizdəki hərbi gəmilərin özəl görüntülərini yayaraq, bunu “Sürətli təlimlər” başlığı ilə təqdim edib.

Krım sahillərində çəkilən görüntülərdən bəlli olur ki, bölgənin gəmi nəqliyyatı dayandırılıb, Rusiya ordusunun dəniz bazasındakı hədəflərinə raketlər və həqiqi mərmilərlə atəş açılıb.

Ukrayna sərhədlərinə 10 minlərlə hərbçi, minlərlə tank və zirehli texnika yığan Vladimir Putin Xəzər dənizindəki donanmanın 15 gəmisini də Qara dəniz və Azov dənizi ətrafında yerləşdirib.

Svestopolda yerləşdirilən rus hərbi gəmiləri bazadan ayrılaraq Qara dənizə doğru üzüb. Qara dənizdə hərbi təlimlərə gəmilərlə birlikdə helikopter və qırıcılar da qatılıb.



Ukrayna KİV-ləri isə Rusiya ordusunun sərhəd xəttindəki Voronej şəhərinə “İsgəndər” ballistik raket sistemlərinin yerləşdirildiyini açıqlayıblar. Sərhəddən 175 kilometr uzaqda olan şəhərə gətirilən raket kompleksləri Ukraynaya qarşı müharibə hazırlığı kimi görünür.

“Royter” və AP agentliyi isə cəbhə xəttinin həm Rusiya, həm də Ukraynanın nəzarətindəki bölgələrindən fotolar yayıb. Agentlik əməkdaşlarının olduğu Donetskdə nəhəng hərbi robotlar diqqəti cəlb edib. Küçələrdə isə gündəlik həyat öz axarı ilə davam edir.

“Röyter”isə Kadivka cəbhəsindəki atışmada ölən bir milis haqqında reportaj verib. Milisin tabutuna çəkilən Rusiya bayrağı gözə çarpıb.

Agentlik, eyni zamanda 2014-cü ildə Rusiyanın ilhaq etdiyi Krım yaxınlığında Ukrayna tanklarının fotolarını yayıb. Ancaq tankların hansı istiqamətdə olduğu konkret açıqlanmır.



Britaniya mediası isə gərginliyi “Ukrayna və Rusiya 500 min hərbçini hərəkətə gətirib”,- manşeti ilə təqdim edib.

“Exo Moskva” radiostansiyasına danışan ekspertlər prezident Vladimir Putinin son 50 ilin ən böyük hərbi yerləşdirməsi ilə bağlı əmr verdiyini, cəbhə xəttində hərəkətliliyin “Soyuq müharibə” dövrünü xatırlatdığını bildiriblər.

Rusiyanın hərbi mütəxəssisi Pavel Felgenhauer “Rusiya müharibə ərəfəsindədir” sualına “hardasa” cavabını verməklə ordunun səfərbərlik halında olduğunu xatırladıb. Onun sözlərinə görə, rus ordusu Sakit okeandan Baltik dənizinə qədər ərazilərdədir: “Bu, 1962-ci ildən bu yana heç vaxt qeydə alınmayıb”.



Bu arada bəlli olub ki, ABŞ hərbi gəmiləri Qara dənizə getməyəcək. Diplomatik qaynaqlar daha əvvəl Bosfor boğazından ABŞ gəmilərinin keçidi üçün Türkiyəyə məlumat verdiyini qeyd etmişdi. İddiaya görə, ABŞ-ın Ankaradakı səfiri Türkiyə tərəfinə bildirib ki, gəmirlərin boğazdan keçərək Qara dənizə getməsi planından vaz keçiblər.

Bütün bu hərbi gərginliklərin fonunda Brüsseldə Ukrayna-NATO müzakirələr aparılıb. İki gün əvvəl, axşam saatlarında isə ABŞ prezidenti Bayden Rusiya lideri Putinlə telefon müzakirələrinə başlayıb. Buna qədər isə Rusiya Xarici işlər nazirinin müavini Sergey Rybakov Qara dənizə daxil olacaq ABŞ gəmiləri haqda qərarı təxribat adlandırıb, Vaşinqtona Krım və Rusiyadan uzaq durmağı tövsiyə edib.

Brüsselə gələn ABŞ dövlət katibi Antoni Blinken və Müdafiə naziri Austin NATO rəsmiləri ilə müzakirələr aparıblar. Blinken, eyni zamanda ukraynalı mövqedaşı ilə də bir araya gəlib.

Hazırda Ukrayna ətrafında baş verən hərbi və siyasi cəhdlər hələlik bununla bitir.

Reyting.az




Bölməyə aid digər xəbərlər
bütün xəbərlər
{sape_links}{sape_article}