17:38 / 28-03-2024
Əməkdar artist vəfat edib
Rusiyanın məxfi planı ingilis mətbuatına sızıb
Tarix: 20-04-2021 11:07 | Bölmə: Slayd
Rusiyanın məxfi planı ingilis mətbuatına sızıb

Ukrayna və Rusiya arasında Donbas gərginliyi davam edir.

Reyting.az
xatırladır ki, ABŞ və NATO-dan gələn “Gərginliyi azalt, sərhəddə əsgər toplamağını dayandır!”,- mesajlarını qulaqardına vuran Rusiyanın müharibə planları Britaniya mətbuatına sızıb.

İngilis KİV-ləri Krımda 40 min, Ukrayna sərhədlərində 40 min olmaqla ümumilikdə 80 minlik orduya “Müharibəyə hazır ol!” əmrini verən Rusiyanın ilk hədəflərini açıqlayıb.

“Daily Mail” hərbi qaynaqlara istinadla bildirir ki, mümkün silahlı qarşıdurmada Rusiyanın ilk məqsədi Ukraynanın su tədarük edən obyektləri ilə bağlı olacaq.

“Mirror” qəzeti isə Rusiyanın böhranın digər bir istiqaməti olan Krıma 150 min hərbçi yerləşdirdiyini açıqlayıb.

Qara dənizdə dörd rus “Ropucha” model gəmisinin, 15-dən çox hərbi döyüş gəmisinə qatıldığını qeyd edən mətbuat bunu “hücum hazırlığı” kimi qiymətləndirir.

“The Mirror”a danışan hərbi analitik Bruke Jones deyib ki, “Ropucha” kimi amfibiya hücum gəmilərinin digər hərbi texnikaya qatılması son dərəcə nadir hadisədir.

Ukrayna ordusunun yüksək çinli zabiti isə bölgədə son vəziyyəti qəzetə belə şərh edib: “Rusiyanın mümkün ssenarilərindən biri Krıma içməli su təminatını həll etmək məqsədilə Ukraynanın cənubundakı su tədarük edən obyektləri ələ keçirməkdir”.

Hərbçi əlavə edib ki, daha sonrakı addım dənizdən quruya əsgər çıxarmaq və hava hücumu ola biləcəyi ssenarisidir.

İngilis KİV-lərinə məlumat sızdıran qaynaqların ümumi fikri belədir ki, planda Rusiyanın 2014-cü ildə ilhaq etdiyi Krımdan Ukraynanın cənubuna dəniz və quru hücumunun mümkünlüyüdür.

Qeyd edilir ki, sonuncu dəfə Rusiya “Ropucha” gəmilərindən 2008-ci ildə Gürcüstan müharibəsi zamanı istifadə edib, xüsusi təyinatlı qüvvələrin sürətlə bölgəyə çatdırması zamanı bu gəmilərin imkanlarından yararlanıb.

Xatırladaq ki, Donbasda gərginlik xeyli müddətdir davam edir. Gərginliklə bağlı ilk dəfə Ukrayna Silahlı Qüvvələrinin Baş Qərargah rəisi, general Ruslan Homçak martın 30-da Radada çıxışı zamanı deyib. R. Homçak qeyd edib ki, Rusiya hərbi təlimlər adı altında Ukrayna sərhədləri istiqamətində ordu cəmləşdirir.

Halbuki Donbas gərginliyi ilə əlaqədar Rusiya, Ukrayna və ATƏT-in üçlük təmas qrupu 2020-ci ilin 27 avqustunda atəşkəs haqda razılaşıb.

Bölgədə sözdə müstəqilliyini elan edən Rusiya tərəfdarı olan separatçılarla Kiyev hökuməti arasında 2014-cü ildən bu yana baş verən silahlı döyüşlərdə 13 mindən çox insan ölüb.

Reyting.az




Bölməyə aid digər xəbərlər
{sape_links}{sape_article}