Müsəlmanlara qarşı soyqırımı törətmiş “Bosniya qəssabı”nın məhkəməsi yekunlaşır
Tarix: 01-05-2021 12:03 | Bölmə: Slayd
Müsəlmanlara qarşı soyqırımı törətmiş “Bosniya qəssabı”nın məhkəməsi yekunlaşır

Lahey Beynəlxalq Cinayət Məhkəməsi Yuqoslaviya məhkəməsi tərəfindən barəsində ölüm cəzası verilmiş “Bosniya qəssabı” Ratko Mladiç haqqında son qərarını iyunun 8-də elan edəcək.

Reyting.az
xəbər verir ki, Beynəlxalq Cinayət Məhkəməsinin açıqlamasında Bosniya serblərinin keçmiş lideri ilə bağlı son qərarın iyunun 8-də Haaqada veriləcəyini bildirib.

Qərarın Beynəlxalq Cinayət Məhkəməsinin hakimlərindən - Priska Matimba Nyambe, Aminatta Lois Runen, Seymour Panton, Elizabet İbanda-Nahamaya və Mustafa El Baaj tərəfindən açıqlanacağı qeyd edilir.

Qeyd edək ki, Mladiçin etirazına dair apellyasiya dinləmələri 25-26 avqust 2020-ci il tarixlərində keçirilib. “Bosniya qəssab”ı səhhətindəki problemləri əsas gətirərək aprellyasi məhkəməsinin təxirə salınmasını tələb edib. Lakin məhkəmə heyəti bu tələbi rədd edib. Bundan sonra 78 yaşlı Mladiç iclasa şəxsən qatılaraq özünü müadafiə etmək məcburiyyətində qalıb.

Xatırladaq ki, 1996-cı ildə Mladiç haqqında həbs qərarı çıxarılıb. Amma “Bosniya qəssab”ı ləqəbini almış Mladiç 16 il sonra - 2011-ci ilin 26 mayında Serbiyada saxlanılıb. Onunla bağlı məhkəmə prosesi 2012-ci ilin mayından başlayıb.

Mladiç 1995-ci ildə Srebrenitsada müsəlmanları soyqırıma məruz qoymaqda təqsirkardır. O, tabeliyindəki serb qüvvələrinə hədəflərinin Srebrenitsanın bosniyalı müsəlmanlardan təmizlənməsi olduğunu əmr edib. O, bu planı müharibə cinayətkarı olan serb komandir Radovan Karadziçlə birlikdə hazırlayıb.



1992-1995-ci illərdə Bosniyada savaş zamanı serblərin liderliyini edən və Srebrenitsa soyqırımında, Sarayevonun mühasirəyə alınmasında və müxtəlif müharibə cinayətlərində təqsikar sayılan Mladiç haqqında Beynəlxalq Cinayət Məhkəməsində 6 il araşdırma aparılıb. Məhkəmə davasının nəticəsi olaraq “Bosniya qəssab”ı soyqırımı, insanlığa qarşı cinayət və müharibə şərtlərini pozmaq kimi dəhşətli cinayətlərdə ittiham olunur.

Qəssabı, eyni zamanda 1992-1995-ci illərdə serb qüvvələri tərəfindən mühasirəyə alınan paytaxt Sarayevoda mülki insanlara qarşı hücumlar və 1995-ci ildə BMT müşahidəçilərinin əsir götürülməsində də ittiham edirlər.

Barəsində verilən qərara 2017-ci ilin avqustunda etiraz edən Mladiç “ədalətli mühakimə edilmədiyini” və “barəsində hökm verərkən hakimlərin hüquqi səhv etdiyini” əsas gətirərək bəraət verilməsini və ya yenidən məhkəmə keçirilməsini tələb etmişdi.

Hazırda Hollandiyanın Lahey şəhərindəki Sşeveningen həbsxanasında saxlanılan Mladiç 2018-ci ildə Beynəlxalq Cinayət Məhkəməsinə şikayət edərək barəsində qərar verən hakimlər - Teodor Meron, Karmel Aguis və liu Daqunun qərəzli olduqlarını iddia etmişdi.

Məlumat üçün bildirək ki, “Bosniya qəssabı”nın anti-insani qərar və davranışları nəticəsində minlərlə müsəlman öldürülüb. Onun barəsində çıxarılacaq istənilən qərar öldürülən minlərlə insanı geri qaytarmasa da, onların yaxınlarının mənəvi rahatlığına səbəb olacaq.

Ümid edək ki, günün birində Xocalı cəlladları da beynəlxalq məhkəmələr qarşısına çıxarılacaqlar.

Reyting.az




Bölməyə aid digər xəbərlər
bütün xəbərlər
{sape_links}{sape_article}