Kabus geri dönür - Nüvə stansiyasında yenidən qəza baş verə bilər
Tarix: 08-05-2021 16:45 | Bölmə: Slayd
Kabus geri dönür - Nüvə stansiyasında yenidən qəza baş verə bilər

1986-cı ildə qəza səbəbindən partlayaraq minlərlə insanın ölümünə səbəb olan Çernobıl nüvə stansiyasında yenidən problem yaranıb. Mütəxəssislər yeni qəza təhlükəsi barədə xəbərdarlıq edib.

Reyting.az
xatırladır ki, 1986-cı ildə çarəsiz qalan sovet rəsmiləri stansiyanın dörd nömrəli reaktorunun dağıntılarından daha çox radioaktiv çirklənmənin qarşısını almaq üçün xarab olan reaktorun qalın beton layla örtüldüyünü elan etmişdilər.

2010-cu ildə ölümcül sızıntının qarşısını önləmək üçün reaktorun ətrafında ikinci bir “qalxan” inşa olunub. Ancaq indi qalxan içərisində nüvə reaksiyaları öz-özünə yenidən başlayıb.

Şeffield Universitetinin nüvə materialları üzrə kimyaçısı Neil Hyatt yanğının yenidən “manqaldakı közlər kimi” başladığını deyib.



Məlumata görə, reaktorun dərinliyində kiçik, lakin daim artan bir neytron reaktorda nüvə parçalanması baş verir.

Radioaktiv çirklənməni nəzarət altına almağa çalışan elm adamları üçün ən vacib problemlərdən biri yağış sularıdır. Şiddətli fırtınalar səbəbindən su “qalxanın” içinə daxil olaraq yer altından radioaktiv sızmaya səbəb olur.

1990-cı ilin iyununda bir elm adamı reaktor otağına keçərək radiatorda əmələ gələn gaqolinyum-nitrat məhsulunu reaktorun kritik hissəsinə atmaqla həyatını riskə qoymuşdu. Amma yanğına qarşı edilən cəhdlərdən başqa Ukrayna rəsmi məqamlarının yeni bir əriməni necə önləyəcəyinə dair heç bir planı yoxdur. Reaktorun yanacaq hüceyrələrini, FCM-ləri çıxarmaq və yer altında saxlamaq üçün uzun müddətdir davam edən bir plan mövcuddur.



Avropanın Sənaye və İnkişaf Bankı bu qarmaqarışıq və təhlükəli işi maliyyələşdirməyi təklif etsə də, mütəxəssislər məsləhət görür ki, yanğının “közləri” isinməyə davam etdiyi mərhələdə gözləmək lazımdır.

Ukrayna Nüvə Enerjisi Stansiyasının Təhlükəsizlik Problemləri İnstitutunun nümayəndəsi Maksim Saveliev deyib ki, tam olaraq nə olduğunu dəqiqləşdirmək üçün qapalı reaktoru sökməyə cəhd etmək olduqca böyük təhlükədir: “Bir sıra qeyri-müəyyənliklər var. Amma qəza olması ehtimalını istisna edə bilmərik”.

Reyting.az




Bölməyə aid digər xəbərlər
bütün xəbərlər
{sape_links}{sape_article}