Bioloji və genetik silahlar üzərində yeni araşdırmalar aparılır
Tarix: 10-05-2021 15:25 | Bölmə: Slayd
Bioloji və genetik silahlar üzərində yeni araşdırmalar aparılır

İlk dəfə 2019-cu ilin son aylarında Çinin Uhan şəhərində yayılan koronavirus (COVİD-19) dünyanın əsas gündəmi olmaqda davam edir.

Reyting.az
xatırladır ki, koronavirusun ortaya çıxdığı gündən indiyə qədər 3,3 milyon insan həyatını itirib, 160 milyondan çox şəxs virusa yoluxub.

ABŞ Dövlət Departamenti tərəfindən əldə edilən və bu gün xarici mətbuatda sənədlərə istinadla yayılan xəbərlərdə “Virus və Çin əlaqələri” yenidən gündəmə gətirilib.

“Daily Mail” qəzetinin məlumatına görə, çinli elm adamları son altı ildir ki, koronavirus da daxil olmaqla bioloji və genetik silahlar üzərində araşdırma aparırlar.

Bildirilir ki, 2015-ci ildən bu yana SARS koronaviruslarının hərbi potensialını qiymətləndirən Pekin hökuməti bu layihəni ola biləcək “Üçüncü Dünya müharibəsi” ssenarisi üçün hazır saxlayır.

Sözügedən sənədlərdə bu layihə müharibə durumunda “qələbənin təməl silahı” olaraq qiymətləndirilir və ətraflı araşdırmalar aparılır.

Sənədlərdə Üçüncü Dünya müharibəsinin gözlənilənin əksinə olaraq, kimyəvi və nüvə silahları ilə deyil, bioloji silahlarla aparılacağı yanaşması yer alır.

ABŞ tərəfindən Yaponiyanın Xirosima və Naqasaki şəhərlərinə atılan iki atom bombasından bəhs edilən sənədlərdə bioloji silahların yeni bir dünya müharibəsində “zəfərin təməli” kimi təqdim olunur.

Sənədlərdə bioloji silahların maksimum təsir göstərməsi üçün tələb edilən şərtlər ümumiləşdirilir.

Sənəddə, həmçinin “Bioloji hücum gecə və ya sübh saatlarında davamlı külək istiqaməti olduğu zaman edilməlidir”,- ifadəsi yer alıb.

Məsələyə ilk reaksiyanı ABŞ Xarici İşlər Komitəsi verib. Komitənin üzvü Tom Tugendha dəlillərin narahatedici olduğunu bildirib: “Bu sənədi yüksək partiya rəhbərliyinə tövsiyə edənlərin ambissiyları narahatlıq yaradır. Ən sərt nəzarət altında olmasına baxmayaraq belə silahlar son dərəcə təhlükəlidir”.

Pekinin 2015-ci ildə SARS virusunun hərbi potensiala sahib olduğunu düşündüyü bu son dəlil “koronavirus laboratoriyalarda hazırlanıbmı” sualını yenidən gündəmə gətirib. Pandemiyanın başlanğıcından bu yana dəfərlə ortaya atılan bu iddialarla əlaqədar Ümumdünya Səhiyyə Təşkilatının (ÜST) açıqlaması olub.

ÜST-ün yayımladığı hesabatda koronavirusun yarasalar da daxil olmaqla, başqa bir heyvandan insanlara keçə bilməsi riskindən bəhs edilərkən laboratoriyalardan sızman ehtimalının aşağı olduğu bildirilib.

Reyting.az




Bölməyə aid digər xəbərlər
bütün xəbərlər
{sape_links}{sape_article}