Zəngəzurda gərginlik artır: əhali Azərbaycan Ordusunun irəlilədiyini deyir, erməni hərbçilər isə... - Foto
Tarix: 12-05-2021 15:50 | Bölmə: Slayd
Zəngəzurda gərginlik artır: əhali Azərbaycan Ordusunun irəlilədiyini deyir, erməni hərbçilər isə...

Ermənistan Müdafiə Nazirliyi Süniklə (Zəngəzurda) sərhəddəki vəziyyətlə əlaqədar açıqlama yayıb.

Reyting.az
-ın Ermənistan KİV-lərinə istinadla verdiyi məlumata görə, ölkənin Müdafiə Nazirliyi bəyan edib ki, Azərbaycan tərəfi ilə danışıqlar aparılır.

“Mayın 12-də səhər saatlarında Azərbaycan Silahlı Qüvvələri hərəkətini sərhədləri dəqiqləşdirməklə əsaslandıraraq, Sünikin sərhəd hissələrindən birində müəyyən işlər görməyə çalışıb. Erməni birləşmələri tərəfindən görülən tədbirlərdən sonra Azərbaycan hərbçiləri bu işi dayandırıblar. Hazırda mövcud vəziyyəti həll etmək üçün danışıqlar aparılır”,- Ermənistan Müdafiə Nazirliyinin açıqlamasında bildirilib.

Nazirlik bəyan edib ki, Ermənistan mətbuatında İşxanasar istiqamətində döyüşlərin başlaması ilə bağlı yayılan məlumatlar həqiqətə uyğun deyil: “Belə bir hadisə baş verərsə, ilk olaraq Müdafiə Nazirliyi açıqlama yayacaq. Sizi yoxlanılmamış, daha çox çaxnaşma yaradan məlumatları yayımlamamağa çağırırıq”.



Məlumat üçün xatırladaq ki, bu gün Ermənistanın Gorus bələdiyyəsinin sədr müavini Menua Ovsepyan bəyan edib ki, Azərbaycan Ordusu Qara gölə doğru irəliləyib. M. Ovsepyan bildirib ki, xəritədə gölün böyük hissəsi Ermənistan ərazisi hesab olunur. İfadə olunub ki, buradan suvarma məqsədilə istifadə edilir, amma bənd Azərbaycanın nəzarətindədir.

Bu açıqlama Ermənistanda gərginliyi daha da artırıb.

Görünən odur ki, Azərbaycan tərəfi dövlət sərhədlərinin müəyyənləşdirilməsi istiqamətində əsaslı və hüquqa söykənən addımlar atır. Uzun illər Azərbaycan torpaqlarının işğal olunmasından istifadə edərək onun bol sularından da yararlanan ermənilər düşünürlər ki, belə yaramaz hərəkətlərini ömürlük həyata keçirə bilərlər.

Reyting.az




Bölməyə aid digər xəbərlər
bütün xəbərlər
{sape_links}{sape_article}