14:32 / 24-07-2021
Tokio-2020: boksçumuz uduzub
Sərdar Cəlaloğlu: “Paşinyanın daha çox şansı var ki, Türkiyə və Azərbaycanla əlaqələr yaratsın”
Tarix: 21-06-2021 12:15 | Bölmə: Slayd
Sərdar Cəlaloğlu: “Paşinyanın daha çox şansı var ki, Türkiyə və Azərbaycanla əlaqələr yaratsın”

“Mən əvvəlcədən bildirmişdim ki, bu seçkiləri Nikol Paşinyan və komandası udacaq. Çünki bölgədə sabitlik, əmin-amanlığın yaranması Paşinyanın hakimiyyətdə qalmasını tələb edirdi. Digər qüvvələr seçkiqabağı verdiyi bəyanatlarla əslində bölgədəki bütün dövlətlər üçün təhlükə vəd edirdi. Bu baxımdan Rusiya Ermənistanda nəzarətini tam saxlamaq üçün məğlub Paşinyanın hakimiyyətdə qalmasını məqsədəuyğun hesab etdi”.

Azərbaycan Demokrat Partiyasının sədri Sərdar Cəlaloğlu Ermənistandakı seçkilərin nəticələrini şərh edərkən Reying.az-a belə deyib.

Partiya sədri əlavə edib ki, Nikol Paşinyanın Azərbaycan və Türkiyə ilə əlaqəli verdiyi bəyanatlar, eləcədə Qarabağla bağlı fikirləri göstərir ki, indiki halda regionda Ermənistan hakimiyyətində oturmaq üçün ən məqbul şəxs elə Paşinyandır.

S. Cəlaloğlu düşünmür ki, Ermənistanda Rusiya və ya Qərb seçkilər vasitəsilə uduş əldə edib: “Heç kəs udmadı. Çünki Qərbin adamı kimi Paşinyan məğlubdur, Rusiyanın adamı kimi Paşinyan açıq şəkildə Qərbə interqasiya edə bilməyəcək. Ancaq hər halda mənim Paşinyanla bağlı böyük ümidlərim var. Onun Ermənistanın müstəqilliyi istiqamətində daha ciddi addımlar atcağını düşünürəm. Həmçinin Ermənistan yalnız Nikol Paşinyanın rəhbərliyi altında Azərbaycan və Türkiyə ilə münasibətləri normal şəkildə qura bilər. Bundan əvvəlki liderlər çox ağır cinayətlərdə iştirak ediblər. Onlar Xocalı soyqrımını törədiblər, Azərbaycan torpaqlarının işğalında iştirak ediblər. Paşinyan bu proseslərin heç birində iştirakçı olmayıb. Bu baxımından Paşinyanın daha çox şansı var ki, Türkiyə və Azərbaycanla əlaqələr yaratsın, nəinki digər cinayətkarların”.

Reyting.az




Bölməyə aid digər xəbərlər
bütün xəbərlər
{sape_links}{sape_article}