08:23 / 21-10-2021
Azad Zəngilan - Fotolar
Müharibə “Böyük Ermənistan” ideyasını darmadağın edib - Ekspert
Tarix: 24-09-2021 15:47 | Bölmə: Slayd
Müharibə “Böyük Ermənistan” ideyasını darmadağın edib

“Erməni cəmiyyətində uzun müddət formalaşmış bir ideya var idi: dənizdən-dənizə “Böyük Ermənistan” yaratmaq. Tarix boyu bu idealogiyanın təsirindən psixoz halına gətirilmiş etmənilər qonşuların ərazisinə iddia etmək planlarını həyata keçirməklə məşğul idilər. Onlar bu istəklərinə ötən illər ərzində qismən nail olmuşdular”.

Bu sözləri Reyting.az-a açıqlamasında Strateji Planlaşdırma və Araşdırmalar İnstitutunun rəhbəri, siyasi ekspert Azad Məsiyev Azərbaycanın böyük qələbəsi ilə başa çatmış Vətən müharibəsinin il dönümündən danışarkən deyib.

A. Məsiyev xatırladıb ki, Vətən müharibəsinə qədər Azərbaycanın 20 faizi ərazisi ermənilərin işğalı altında olub, təxminən 30 il işğal altında qalan ərazilərimiz talan edilib və tamamilə dağıdılıb: “Bu illər ərzində xalqımız mənəvi cəhətdən əzab içində yaşayırdı və beynalxalq aləmdə haqq səsi eşidilmirdi. Əksinə, ermənilərin işğalçılıq siyasətinə beynalxalq aləm göz yumur, bəzi hallarda xarici dövlətlər ermənilərin hərəkətlərinə bəraət qazandırmağa çalışırdılar. Hətta ermənilərin işğalçılıq siyasətini beynəlxalq hüququn müddəlarına uyğunlaşdırmağa cəhd edənlər də var idi. Bunu uzun-uzadı təhlil etmək olar. Amma mən bir məsələni vurğulamaq istərdim”.


A. Məsiyev

Siyasi ekspert bildirib ki, 27 sentyabrda Ali Baş Komandanın əks-hücum əmri təkcə işğaldakı ərazilərimizin azad olunması ilə nəticələnməyib, həm də Cənubi Qafqazda geosiyasi vəziyyəti köklü şəkildə dəyişib, beynəlxalq baxımdan yeni siyasi situasiya yaradıb. Xüsusilə 44 günlük müharibə ermənilərin “Böyük Ermənistan” ideyasını darmadağın edib.

İnstitut rəhbərinin fikrincə, Cənubi Qafqaz Rusiya ilə ABŞ maraqlarının toqquşduğu bir bölgədir, məsələyə daha qlobal baxdıqda görürük ki, mübarizə Ermənistanla Azərbaycan arasında deyil, ABŞ-Rusiya arasında gedir: “Yəni bu bölgədə kimin nəzarətində sülh təmin ediləcək. Məlum məsələdir ki, Ermənistan-Azərbaycan münaqişəsi hansı qüvvənin təşəbbüsü ilə sülh əldə edəcəksə, Cənubi Qafqazda həmin qüvvənin siyasi nüfuzu daha çox olacaq. Bundan başqa, 44 günlük müharibənin nəticəsi Rusiya-Türkiyə münasibətlərinin daha da yaxınlaşması ilə nəticələnib. Bunun nəticəsi kimi Türkiyə prezidentinin təklif etdiyi, bölgənin inkişafı üçün 3+3 formatı ideyası gündəmə gəlib və bu istiqamətdə işlərin getdiyini müşahidə edirik”.

A. Məsiyev diqqətə çatdırıb ki, ABŞ Ermənistana milyardlarla dollar yardım göstərir və bu maddi dəstək elə belə edilməyib: “Hesab edirəm ki, bu yardımın qarşılığı olaraq ABŞ-ın ermənilərə tapşırığı olacaq ki, 3+3 formatı, Rusiyanın təşəbbüsü ilə edilən sülh sazişinə mane olsun və ATƏT-in Minsk Qrupu yenidən fəallaşdırılsın. ABŞ hər vəchlə Türkiyə və Azərbaycana qarşı siyasi təzyiqlərə əl atacaqlar”.

Ekspet sonda bildirib ki, Konqresin Nümayəndələr Palatası ermənipərəst konqresmenlərin və erməni lobbisinin təxribatına uyaraq Azərbaycan və Türkiyəyə qarşı sənəd qəbul edib: “Sənəddə Azərbaycandan “erməni hərbi əsir və mülki girovların dərhal və qeyd-şərtsiz azad edilməsi” tələb olunur, habelə Pentaqona 6 ay ərzində “Azərbaycan və Türkiyənin Qarabağa qarşı hərbi cinayətlərini araşdırmaq üçün hesabat hazırlamaq” çağırışı edilir. Bu cür çağırışlar gösrərir ki, ABŞ Cənubi Qafqazda sülhün olmasında maraqlı deyil və hazırki siyasəti sülh sazişinin bağlanmasına mane olmaqdır.

Türkiyə prezidenti Rəcəb Tayyib Ərdoğan Nyu-Yorkda jurnalistlərlə söhbətində ABŞ prezidenti Cozef Baydenlə münasibətlərinin heç də yaxşı olmadığını deyib. Bu ondan xəbər verir ki, Türkiyənin dünyada, o cümlədən Cənubi Qafqazda yeritdiyi müstəqil siyasət ABŞ üçün məqbul sayılmır. Ola bilsin ki, 3+3 formatının baş tutmaması üçün ABŞ Gürcüstan rəhbərliyinə təlimat versin. Gürcüstan Rusiyanı bəhanə edərək bu formatda iştirak etməkdən imtina edə bilər”.

Reyting.az




Bölməyə aid digər xəbərlər
{sape_links}{sape_article}