08:23 / 21-10-2021
Azad Zəngilan - Fotolar
Azərbaycan səhiyyəsində özbaşınalıq hökm sürür
Tarix: 12-10-2021 12:00 | Bölmə: Slayd
Azərbaycan səhiyyəsində özbaşınalıq hökm sürür

“Bir ölkədə 5 səhiyyə qurumu olanda xaos yaşanar və biz xaosu bu gün yaşayırıq. Səhiyyə sisteminin effektiv işləməsi üçün islahatlar aparıldı, amma nəticəsi əvvəlkindən də pis oldu. Bir Səhiyyə Nazirliyi var, bir TƏBİB var, Prezident Administrasiyasında şöbə və Nazirlər Kabinetində şöbə var, hər nazirliyin özünün tibb idarəsi və xəstəxanası mövcuddur. Amma biri digərinin “kitabını” oxumur”.

Reyting.az
xəbər verir ki, bu fikirləri Milli Məclisin bu gün keçirilən plenar iclasında deputat Razi Nurullayev səsləndirib.

Onun sözlərinə görə, ölkədə sığorta sistemi tətbiq olunsa da, həkimlər və xəstəxanalar tərəfindən boykot olunur: “Səbəb isə həkimlərin daha az qazanması, təchizatın çox zəif olması, maaşların aylıq yox, 4-5 aydan bir ödənilməsidir. Onlara belə sığorta sərf etmir. Xəstə deyəndə ki, sığorta üzrə müraciət edir, ona elə sifət göstərirlər ki, xəstə özünü bədənindən 220 volt gərginlik keçən şəxs kimi hiss edir. Belə sistem olar? Axı hər bir evdə bir və ya iki xəstə var. Deməli, hər bir evi dövlətdən narazı salırlar”.

Deputat hesab edir ki, səhiyyə sistemində olan xaosu aradan qaldırmaq üçün mütləq bütün tərəflərin iştirakı ilə ya Azərbaycan prezidentinin, ya da Baş nazirin yanında iclas keçirilməli, konkret təkliflər verilməlidir: “Bu sahədə qayda-qanun və dürüstlük, düzgün idarəçilik qurulmalı, paralellik aradan qaldırlmalıdır. Bir ölkədə bir səhiyyə qurumu olar, qalanları isə onun koordinasiyası və tabeçiliyində. Bu sahədə olan xaos cəmiyyəti çox narahat edir. Bilirsiniz ki, nə qədər insan inciyir, incidilir, qapıdan qapıya, xəstəxanadan xəstəxanaya, poliklinikadan poliklinikaya ötürülür? Lap futbol topu kimi. Bu cür pulsuz səhiyyə olmaqdansa, normal qiymətə pullu olsa, daha yaxşı idi. Necə olur ki, qonşu ölkələr bu işi effektiv görə bildi, bizdə isə icbari sığorta 20 ildir düzəlmir. Məsuliyyət və canyandırma da yoxdur.

Nə qədər müharibə iştirakçısı var, əsəbləri pozulmuşdu, buraxdılar evə, heç bir yerə, həkimə də təhkim etmədilər. Bir neçəsi intihar etdi.

Bilirsiniz ki, nə qədər vətəndaş əlində resept gəzir? Sığorta zərfinə daxil olan xəstəliklərin də hərəsinə bir bəhanə edib zərfdən kənarda saxlayırlar”.

Deputat əlavə edib ki, Azərbaycanda ən xaotik sahələrdən biri də səhiyyə sistemidir.

Reyting.az




Bölməyə aid digər xəbərlər
{sape_links}{sape_article}